شیر خوار بچے کی ماں جیل میں بند ، جنم داخلہ معاملہ میں کارپوریشن ملازمہ غزالہ پروین گرفتار، دو دنوں کی پولس تحویل

شیر خوار بچے کی ماں جیل میں بند ، جنم داخلہ معاملہ میں کارپوریشن ملازمہ غزالہ پروین گرفتار، دو دنوں کی پولس تحویل 

 مائناریٹی ڈیفنس کمیٹی کی کل اُردو میڈیا سینٹر میں میٹنگ و پریس کانفرنس : مستقیم ڈگنیٹی

مالیگاؤں : 23 مارچ (پریس ریلیز) آج دوپہر 12 بجے کے قریب مقامی کورٹ میں ایک خاتون کو گرفتار کرکے لایا گیا جو کہ میونسپل کارپوریشن میں جنم داخلہ محکمہ میں کمپیوٹر آپریٹر ہے. اس خاتون کا نام غزالہ پروین بتایا گیا ہے ۔چھاؤنی پولس اسٹیشن میں درج مقدمہ میں انہیں ملزم بنایا گیا ہے ۔جنم داخلہ معاملہ میں تیسری خاتون جو کہ نوجوان اور شیر خوار بچے کی ماں ہے جو پولس نے گرفتار کرتے ہوئے مقامی عدالت میں پیش کیا ۔جہاں اس ملازمہ کو دو دنوں کی پولس تحویل دی گئی ۔اس موقع پر مائناریٹی ڈیفینس کمیٹی کے ایڈوکیٹ عبدالعظیم خان اور ایڈوکیٹ عارف شیخ و توصیف شیخ ایڈوکیٹ ہدایت اللہ ایڈوکیٹ اویس وغیرہ نے قانونی امداد پیش کی ۔اس طرح کی تفصیلات مائناریٹی ڈیفینس کمیٹی کی جانب سے ایک پریس ریلیز جاری کر دی گئی ۔

غزالہ پروین نامی خاتون ملازمہ کی پیروی کرنے کیلئے مائناریٹی ڈیفنس کمیٹی کے وکلاء ایڈوکیٹ عظیم خان، عارف شیخ موجود رہے اسی کے ساتھ کمیٹی کے کوآرڈینیٹر مستقیم ڈگنیٹی کورٹ میں سرگرم رہے  مستقیم ڈگنیٹی نے میڈیا کو بیان دیتے ہوئے کہا کہ یہ بہت افسوس کی بات ہے، 2 خواتین جیل میں قید ہے اور آج ایک نوجوان عورت جس کا ایک بچہ 2 سال کا اور دوسرا بچہ 3 مہینہ کا دودھ پیتا بچہ ہے. پولس محکمہ مسلسل اور بھاری دباؤ میں کام کر رہا ہے، شیخ آصف اور مستقیم ڈگنیٹی کل دوپہر مائناریٹی ڈیفنس کمیٹی کے ذمہ داران سے اردو میڈیا سینٹر میں میٹنگ کرے گے اور میڈیا کے ذریعے عوام سے خطاب کرے گے.