ایس آئی آر:بی ایل اوز کیخلاف ایف آئی درج ،فرائض کی انجام دہی میں کوتاہی کا شاخسانہ، پونہ، شولار پور، جلگاؤں اور ناگپور میں کارروائی

 ایس آئی آر:بی ایل اوز کیخلاف ایف آئی درج ،فرائض کی انجام دہی میں کوتاہی کا شاخسانہ، پونہ، شولار پور، جلگاؤں اور ناگپور میں کارروائی 

ممبئی : 13 جولائی (بیباک نیوز اپڈیٹ) ووٹر رجسٹریشن کا کام سونپے گئے بلاک لیول آفیسرز (BLOs) کے خلاف اب ایف آئی آر درج کیے جارہے ہیں۔ اسے اب تک کی سب سے بڑی کارروائی قرار دیا جا رہا ہے۔  ناگپور میں، حکومت نے ووٹر لسٹ پر نظر ثانی (SIR) پروگرام کے تحت آنگن واڑی کارکنوں کو ایک اہم ذمہ داری سونپی تھی۔ لیکن ان بی ایل اوز نے اس ذمہ داری کو صحیح طریقے سے نبھایا۔ الیکشن کمیشن اور حکومت کے احکامات کے باوجود ان بی ایل اوز نے کسی بھی ووٹرز کے گھر جا کر ان سے دریافت نہیں کیا۔ جس کی وجہ سے الیکشن ڈپارٹمنٹ کے نوٹس میں آیا ہے کہ رجسٹریشن کے کام میں مقررہ وقت ضائع کیا گیا۔ اس کی وجہ سے ناگپور میں 11 آنگن واڑی کارکنوں کے خلاف مختلف پولس اسٹیشنوں میں اپنے کام میں اس طرح نظر انداز کرنے پر مقدمات درج کرائے گئے ہیں۔

 ایس آئی آر کا کام بہت اہم ہے اور اسے بروقت مکمل کرنا الیکشن کمیشن کی ذمہ داری ہے۔ اس لیے ہمیشہ کی طرح الیکشن کمیشن کے کام کے لیے اساتذہ اور آنگن واڑی ورکرس کا تقرر کیا جاتا ہے۔ لیکن اس سال چونکہ SIR کا کام اور مردم شماری کا کام ایک ہی وقت میں ہو رہا ہے اس لیے بہت سے اساتذہ کے لیے یہ کام بہت مشکل ہو گیا ہے۔

ان دونوں ذمہ داریوں کی تفویض پر کئی اساتذہ نے ناراضگی کا اظہار بھی کیا ہے۔ چونکہ حکومت نے یہ اضافی بوجھ ان پر ڈالا ہے جب کہ اسکول میں کلاسز پڑھانے کا اہم کام جاری ہے، اس لیے انہیں اس کام کو مکمل کرنے میں دشواری کا سامنا ہے۔ ایس آئی آر کے اس کام کے رش میں کئی خواتین بی ایل اوز یعنی ٹیچرز کے حادثات کی تعداد بھی بڑھ گئی ہے۔ دو پہیہ گاڑیوں کی سواری کے دوران حادثات اور زخمی ہونے کے کئی واقعات سامنے آئے ہیں۔ اسی وقت، بہت سے لوگوں نے اپنی زندگی کا خاتمہ کیا یا دل کا دورہ پڑنے سے انتقال کرگئے اس طرح کا الزام بھی اساتذہ کی تنظیموں نے لگایا ہے۔ 

ناگپور میں گیارہ بی ایل اوز پر کارروائی کرتے ہوئے انکے خلاف فوجداری مقدمہ درج کیا گیا وہیں ۔ریاست بھر میں اب بی ایل اوز پر مقدمہ درج کرنے کی کارروائی شروع ہوگئی ہے ۔میڈیا رپورٹس کے مطابق جلگاؤں میں بھی اساتذہ کو بی ایل اوز کی ذمہ داری دی گئی ہے لیکن ان پر الزام ہے کہ انہوں نے اپنے کام میں لاپرواہی برتی ہے اس لیے ان پر بھی ایف آئی آر درج کی گئی۔ اسی طرح کی کارروائی پونہ اور شولا پور میں بھی الیکشن ڈپارٹمنٹ کی جانب سے اساتذہ پر الزام عائد کیا گیا ہے انہوں نے اپنے فرائض انجام دینے میں کوتاہی کا مظاہرہ کیا جس کیخلاف مقدمہ درج کیا گیا ہے ۔