شالارتھ آئی ڈی گھوٹالہ:ویب سائٹ ہیک کر کے سینکڑوں اساتذہ کو جعلی اپوائنٹ مینٹ لیٹر تقسیم کئے،پرشانت واڈیلے ماسٹر مائنڈ

 شالارتھ آئی ڈی گھوٹالہ:ویب سائٹ ہیک کر کے سینکڑوں اساتذہ کو جعلی اپوائنٹ مینٹ لیٹر تقسیم کئے،پرشانت واڈیلے ماسٹر مائنڈ 

سو سے زائد تعلیمی ادارے صرف کاغذ پر جاری، حکومتی خزانہ سے 160 کروڑ روپے کی دھوکہ دہی

ناسک اسٹنٹ پولس کمشنر و ایس آئی ٹی آفسیر سندیپ مٹکے کی تحقیقات میں چونکانے والے انکشافات 

 

ناسک : 13 جولائی (بیباک نیوز اپڈیٹ)پرشانت واڈیلے نے محکمہ تعلیم کی ویب سائٹ ہیک کر کے سینکڑوں فرضی ٹیچرس کو اپائنٹمنٹ لیٹر جاری کئے۔ انہوں نے پرانے آرڈر کا غلط استعمال کرتے ہوئے غیر موجود اسکولوں کی منظوری حاصل کی ۔ ان کے نام پر 54 تعلیمی ادارے اور 65 آشرم اسکول پائے گئے ہیں۔ اس فرضی نظام کے ذریعے ریاستی حکومت سے 160 کروڑ روپے کی گرانٹ ہڑپ کی ہے۔شالارتھ آئی ڈی گھوٹالہ، جو مہاراشٹر اسمبلی میں گونجا تھا، اب ایک الگ موڑ لے چکا ہے۔ پرشانت وڈیلے کو محکمہ تعلیم میں فرضی اساتذہ کی تقرریوں اور اسکول کی شناخت سے متعلق اس معاملے کے ماسٹر مائنڈ کے طور پر دھولیہ سے گرفتار کیا گیا ہے۔پولس نے اسے صبح 4 بجے گرفتار کیا جب وہ گہری نیند میں تھا۔ تحقیقات کے دوران چونکا دینے والی معلومات سامنے آئی ہیں کہ ماسٹر مائنڈ وڈیلے نے محکمہ تعلیم کی ویب سائٹ ہیک کر کے سینکڑوں اساتذہ کو جعلی تقرری نامہ تقسیم کیا۔ 

تحقیقات کے دوران جو معلومات سامنے آئی ہیں ان کے مطابق پرشانت وڈیلے نے محکمہ تعلیم کی ویب سائٹ کو ہیک کیا اور سینکڑوں فرضی ٹیچرس کو اپائنٹمنٹ لیٹر جاری کئے۔ انہوں نے پرانے احکامات کا غلط استعمال کرتے ہوئے غیر موجود اسکولوں کی منظوری حاصل کی۔ دستاویزات میں ان کے نام پر 54 تعلیمی ادارے اور 65 آشرم اسکول پائے گئے ہیں۔ اس فرضی نظام کے ذریعے ریاستی حکومت کے خزانے سے 160 کروڑ روپے کی گرانٹ لوٹنے کا معاملہ سامنے آیا ہے۔ ناسک روڈ پولس اسٹیشن میں درج جرم کی تحقیقات کے لیے ڈپٹی پولس کمشنر سندیپ مٹکے کی قیادت میں ایک ایس آئی ٹی تشکیل دی گئی تھی۔ اس ٹیم کی جانب سے کی گئی تحقیقات میں یہ چونکا دینے والی معلومات سامنے آئی ہیں۔

قابل ذکر بات یہ ہے کہ ساکری اور شندکھیڑا میں صرف دو غیر امدادی اسکول وڈیلے کے تحت چل رہے تھے۔ باقی تمام ادارے اور اسکول صرف کاغذوں پر تھے۔ اس نے جعلی دستاویزات تیار کر کے حکومت سے گرانٹ حاصل کی۔پولس پہلے ہی عدالت میں 11,000 صفحات پر مشتمل چارج شیٹ داخل کر چکی ہے اور واڈیلے کی گرفتاری نے تحقیقات کو ایک نئی سمت دی ہے۔ 

واڈیلے کی حرکت سے محکمہ تعلیم میں بدعنوانی کی حقیقت ایک بار پھر بے نقاب ہو گئی ہے۔ ذرائع نے یہ بھی بتایا کہ جعلی تقرریوں نے حقیقی اساتذہ کی نوکریوں کے حصول میں رکاوٹیں کھڑی کر دی ہیں۔ توقع ہے کہ پولس کمشنر سندیپ کی رہنمائی میں کی جارہی تحقیقات میں کچھ اور سیاسی شخصیات کے نام سامنے آئیں گے۔

اس گھوٹالے نے مہاراشٹر میں تعلیم کے شعبے میں ہونے والی غداری کی سازش کو بے نقاب کر دیا ہے اور حکومت سے اس سلسلے میں سخت کارروائی کرنے کا مطالبہ زور پکڑ گیا ہے۔ پولس پرشانت واڈیلے کی گرفتاری کے بعد مزید تفتیش کر رہی ہے۔ اس کیس میں مزید گرفتاریوں کا امکان ہے۔ معلوم ہوا ہے کہ محکمہ تعلیم نے بھی اس حوالے سے الگ سے تحقیقات شروع کر دی ہیں۔