کارپوریشن چناؤ کا اعلان جلد ، آئندہ ہفتہ ضابطہ اخلاق کا نفاذ ممکن ، دیکھئے انتخابات کی ممکنہ تاریخ

کارپوریشن چناؤ کا اعلان جلد ، آئندہ ہفتہ ضابطہ اخلاق کا نفاذ ممکن ، دیکھئے انتخابات کی ممکنہ تاریخ 

ممبئی : 3 دسمبر (بیباک نیوز اپڈیٹ) ریاست میں کارپوریشن کے انتخابات ضلع پریشد انتخابات سے پہلے ہوں گے اور اس انتخاب کی ممکنہ تاریخ کا بھی انکشاف ہوا ہے۔ذرائع سے موصولہ اطلاع کے مطابق ریاست میں کارپوریشن انتخابات کا اعلان 15 سے 17 دسمبر کے درمیان ہونے کا امکان ہے۔پورے ملک کی توجہ اپنی جانب مبذول کرانے والے بی ایم سی انتخابات کا بھی اس دوران اعلان کیا جائے گا۔ الیکشن کمیشن نے اس سلسلے میں میونسپل کمشنرز کا اجلاس طلب کر لیا ہے۔بلدیاتی انتخابات میں ریزرویشن کی حد کو لے کر فی الحال ریاست میں کنفیوژن ہے۔ سپریم کورٹ نے واضح طور پر 50 فیصد سے زیادہ ریزرویشن والی جگہوں پر انتخابات کرانے سے منع کیا ہے، اس لیے الیکشن کمیشن کو اپنے پہلے سے طے شدہ شیڈول کو تبدیل کرنا پڑا۔ عدالت نے کمیشن کو 31 جنوری 2026 تک تمام انتخابات مکمل کرنے کی ہدایت دی ہے۔ عدالت کے اس حکم کی تعمیل کرنے اور قانونی پیچیدگیوں سے بچنے کے لیے کمیشن اب ضلع پریشد کے انتخابات کو کچھ وقت کے لیے ملتوی کرنے اور پہلے میونسپل کارپوریشن انتخابات کرانے کا اہم فیصلہ لینے کا امکان ہے۔

ضلع پریشد انتخابات ملتوی

ریاست میں 32 میں سے 17 ضلع پریشدوں میں سیاسی ریزرویشن کی 50 فیصد حد سے تجاوز کیا گیا ہے۔ اس کے علاوہ کئی پنچایت سمیتی میں اس حد سے تجاوز کیا گیا ہے۔ اس پر سخت موقف اختیار کرتے ہوئے سپریم کورٹ نے واضح کیا کہ ان جگہوں پر انتخابات نہیں ہو سکتے جہاں حد سے تجاوز کیا گیا ہو۔ایسے میں کمیشن صرف 15 ضلع پریشدوں کے لیے انتخابات نہیں کرا سکتا اور 17 ضلع پریشدوں کو پیچھے چھوڑ سکتا ہے۔ اس کی وجہ سے کمیشن کو ضلع پریشد انتخابات ملتوی کرنے پر مجبور ہونا پڑا ہے۔

کارپوریشن انتخابات جلد ہونگے گے

ممبئی سمیت مہاراشٹر کے بڑے شہروں میں جلد ہی انتخابی جنگ شروع ہو جائے گی۔ریاست کی صرف دو کارپوریشنوں ناگپور اور چندر پور میں ریزرویشن کی حد 50 فیصد سے زیادہ ہے۔ اس لیے بقیہ بلدیات کے لیے انتخابات کا انعقاد قانونی طور پر نسبتاً آسان ہے۔ اس پس منظر میں الیکشن کمیشن نے کارپوریشن انتخابات دوسرے مرحلے میں کرانے کا منصوبہ بنایا ہے۔ اس سے تمام انتخابی عمل کو وقت پر مکمل کرنا ممکن ہو سکے گا۔

کارپوریشن انتخابات کی ممکنہ تاریخ

ذرائع سے موصولہ اطلاع کے مطابق کمیشن نے اب کارپوریشن انتخابات کا اعلان کرنے کی تیاریاں شروع کر دی ہیں۔اس کے لیے کمیشن کو پہلے 10 دسمبر تک انتظار کرنا پڑے گا، کیونکہ اس دن کارپوریشن کی وارڈ وار ووٹر لسٹ کو حتمی شکل دی جائے گی۔کمیشن اس حتمی ووٹر لسٹ کا جائزہ لے گا۔ جائزہ کا عمل مکمل ہونے کے بعد اس بات کا قوی امکان ہے کہ ریاست میں بلدیاتی انتخابات کا اعلان اگلے تین چار دنوں میں کر دیا جائے گا۔ ذرائع کے مطابق بلدیاتی انتخابات کا باضابطہ اعلان 15 دسمبر سے 17 دسمبر تک تین روزہ مدت میں کیا جا سکتا ہے۔

بلدیاتی انتخابات کا ممکنہ شیڈول

عدالت کی طرف سے دی گئی 31 جنوری 2026 کی ڈیڈ لائن کی وجہ سے کمیشن کے پاس ضلع پریشد اور میونسپل کارپوریشن انتخابات کرانے کے لیے صرف 50 سے 52 دن باقی ہیں۔ کمیشن کے سامنے چیلنج یہ ہے کہ وہ تمام انتخابات اس محدود وقت میں مکمل کرے۔ ذرائع کے مطابق ریاست میں 29 بلدیات کے انتخابات 15 دسمبر سے 10 جنوری کے درمیان مکمل ہو سکتے ہیں جبکہ ضلع پریشدوں اور پنچایت سمیتی کے انتخابات 5 جنوری سے 31 جنوری کے درمیان ہو سکتے ہیں۔