بقرعید پر گائے کی نسل کے جانوروں کی قربانی پر روک لگائی جائے اور گئو رکشکوں کی حفاظت کی جائے اسمبلی کے اسپیکر کا ڈائریکٹر جنرل آف پولس کو حکم

بقرعید پر گائے کی نسل کے جانوروں کی قربانی پر روک لگائی جائے اور گئو رکشکوں کی حفاظت کی جائے اسمبلی کے اسپیکر کا ڈائریکٹر جنرل آف پولس کو حکم 

 مرکزی وشو ہندو پریشد کے ممبر لکشمی نارائن چانڈک کے مطالبہ پر مہاراشٹر اسمبلی کے اسپیکر نارویکر کا حکمنامہ 

بدلا پور، پڑگھا، بھیونڈی، مالیگاؤں، احمد نگر، اورنگ آباد ، ستارہ، دھاراشیو، دھولیہ ، شولاپور، ناندیڑ، بیڑ، جالنہ کے اضلاع میں اب بھی گائے ذبیحہ کا شبہ

ممبئی : 23 مئی (بیباک نیوز اپڈیٹ) وشو ہندو پریشد کے سینٹرل کاؤ پروٹیکشن کمیٹی(مرکزی گئو رکشا کمیٹی) کے ممبر  لکشمی نارائن چانڈک نے مورخہ 21 مئی کو مہاراشٹر سرکار کے اسپیکر راہل نارویکر کو مکتوب لکھتے ہوئے مطالبہ کیا ہے کہ ریاست مہاراشٹر میں گائے کے ذبیحہ پر پابندی کا قانون نافذ ہے۔اس لئے آنے والی بقرعید پر حکومت کی جانب سے پابندی عائد کئے گئے جانوروں کی قربانی نہ ہو اسکا خیال رکھا جائے ۔چانڈک نے مکتوب میں مزید لکھا ہے کہ بدلا پور، پڑگھا (بھیونڈی)، مالیگاؤں (ضلع ناسک)، احمد نگر، چھترپتی سمبھاجی نگر، ستارہ، دھاراشیو، دھولیہ ، شولاپور، ناندیڑ، بیڑ، جالنہ کے اضلاع میں اب بھی گائے کا ذبیحہ ہو رہا ہے، نیز تلنگانہ ،کرناٹک کی سرحد پر بڑے پیمانے پر گائے کا ذبیحہ کیا جا رہا ہے۔ گائے کے تحفظ کے کارکنوں (گئو رکشکوں) کے خلاف مقدمات درج کیے جا رہے ہیں۔ نیز چونکہ 7 جون 2025 کو "بقری عید" کے موقع پر بڑے پیمانے پر گائے ذبح ہونے کا امکان ہے، اس لیے گائے کے ذبیحہ کو روکنے کے لیے ضروری اقدامات کرنے کی درخواست وشو ہندو پریشد کی جانب سے کی گئی ہے۔

 اس ضمن میں اسمبلی کے اسپیکر نارویکر نے ڈائریکٹر جنرل آف پولس مہاراشٹر کو ایک آرڈر جاری کرتے ہوئے کہا کہ مذکورہ وشو ہندو پریشد کی شکایت اور مطالبہ کو مدنظر رکھتے ہوئے 7 جون 2025 کو "بقری عید" کے موقع پر مہاراشٹر میں گائے کے ذبیحہ کو روکنے کے لیے ضروری اقدامات کیے جانے چاہئیں۔ اس کے علاوہ چونکہ اس وقت گؤ رکشکوں  پر حملے کا امکان ہے، اس لیے اس سلسلے میں بھی مناسب کارروائی کی جانی چاہیے۔

اسی طرح  ڈائریکٹر جنرل آف پولیس، ممبئی کے دفتر سے جاری سرکلر نمبر۔ /24/34/SHRC/تفصیلات/87/2022، اور 27-9-2023 کے مطابق، مہاراشٹرا اینیمل پروٹیکشن ایکٹ، 1976 (ترمیم شدہ 1995) اور جانوروں پر ظلم کی روک تھام ایکٹ، 1960 کے تحت جرائم کا اندراج کرتے وقت نظر ثانی شدہ معیاری آپریٹنگ پروسیجر (SOP) کو مؤثر طریقے سے نافذ کیا جائے اور مذکورہ معاملے میں کی گئی کارروائی کے بارے میں فوری طور پر اسپیکر مہاراشٹر اسمبلی کو مطلع کریں۔اس طرح کا ایک حکم بھی اسمبلی اسپیکر راہول سریش نارویکر نے ڈی جی پی کو دیا ہے ۔