دسویں ، بارہویں بورڈ امتحانات مارچ کی بجائے اپریل میں لئے جانے کا امکان ، مملکتی وزیر تعلیم بچو کڈو کے اشارے ، ایجوکیشن محکمہ کے ساتھ آن لائن میٹنگ

                       (فائل فوٹو) 

دسویں ، بارہویں بورڈ امتحانات مارچ کی بجائے اپریل میں لئے جانے کا امکان ، مملکتی وزیر تعلیم بچو کڈو کے اشارے ، ایجوکیشن محکمہ کے ساتھ آن لائن میٹنگ 

ممبئی : 28 جنوری (بیباک نیوز اپڈیٹ) مارچ میں ہونے والے دسویں بارہویں کے امتحانات ملتوی ہونے کا امکان ہے ۔  ریاستی وزیر تعلیم بچو کڈو نے میٹنگ میں تجویز دی ہے کہ مارچ میں ہونے والے دسویں اور بارہویں کے امتحانات اپریل میں کرائے جائیں۔ ریاستی وزیر برائے اسکولی تعلیم بچو کڈو نے ڈپٹی ڈائرکٹر آف ایجوکیشن کے ساتھ ایک آن لائن میٹنگ میں مارچ میں 10ویں اور 12ویں کے امتحانات ایک ماہ کے لیے ملتوی کرنے کا مشورہ دیا۔

 یہ مطالبہ گزشتہ دو سالوں سے جاری وبائی بیماری کورونا تناظر میں کیا گیا کیونکہ بچے پڑھنے لکھنے کے عادی نہیں ہوسکے ہیں ۔ لکھنے کی مشق نہ ہونے کی وجہ سے طلباء الجھن کا شکار ہیں، جس کی وجہ سے امتحانات میں مشکلات اور ریاست میں اسکولوں کے بارے میں جاری آن لائن آف لائن تکالیف کا سامنا کرنا پڑ سکتا ہے۔

 اس لیے ریاستی وزیر تعلیم بچو کڈو نے تجویز پیش کی کہ مارچ میں ہونے والے 10ویں-12ویں کے امتحانات اپریل میں کرائے جائیں۔ آن لائن میٹنگ میں ایجوکیشن آفیسرز، گروپ ایجوکیشن آفیسرز اور محکمہ تعلیم کے افسران نے شرکت کی۔اب دیکھنا یہ ہے کہ بورڈ اس سلسلے میں کیا فیصلہ لیتا ہے ۔اس پر لاکھوں طلباء کی نظریں لگی ہوئی ہیں ۔