ٹی ای ٹی امتحان گھوٹالہ بی جے پی کے دور حکومت کا، وزیر تعلیم ورشا گائیکواڑ کا بی جے پی پر الزام
ممبئی : 28 جنوری (بیباک نیوز اپڈیٹ) اسکولی تعلیم کی وزیر ورشا گائیکواڑ نے کہا ہے کہ ٹی ای ٹی امتحانات میں گھوٹالہ بی جے پی حکومت کے دور کا ہے۔ اس معاہدے پر 2017 میں دستخط ہوئے تھے۔ امتحانی بورڈ خود مختار ہے اور اس کی خود مختاری کے بارے میں فیصلہ کرنے کے لیے ایک کمیٹی تشکیل دی گئی ہے۔گائیکواڑ نے کہا کہ اس معاملے میں شامل ملزم کو معطل کر دیا گیا ہے۔ کوئی بھی کسی طرح سے کرپشن کو فروغ دینے کی کوشش نہیں کر رہا۔ بورڈ خود مختار ہے۔ جس کے ذریعے امتحان لیا جاتا ہے۔
ورشا گائیکواڑ نے کہا کہ ہم نے ٹی ای ٹی امتحان میں بدعنوانی کے سلسلے میں ایک انکوائری کمیٹی قائم کر دی ہے اور جو معاملہ ابھی منظر عام پر آیا ہے ہم مستقبل میں امتحانات کے طریقہ کار میں تبدیل کرنے کی کوشش کریں گے۔ امتحانی کونسل خود مختار ہونے کی وجہ سے تمام فیصلے ان کے اعلیٰ افسران کی سطح پر کئے جاتے ہیں۔ ورشا گائیکواڑ نے کہا کہ ہم ان تمام معاملات کی تحقیقات کر رہے ہیں۔ انہوں نے اس پورے معاملے میں بھارتیہ جنتا پارٹی کے سابقہ دور حکومت پر الزامات عائد کئے ہیں ۔
اشاعتیں
0 تبصرے
bebaakweekly.blogspot.com