آکسیجن کی محدود دستیابی اور کورونا کیسز میں اضافہ ہوتا ہے تو لاک ڈاؤن کو دوبارہ نافذ کرنے کے سوا کوئی چارہ نہیں ہوگا :وزیر اعلی ادھو ٹھاکرے ‏

آکسیجن کی محدود دستیابی اور کورونا کیسز میں اضافہ ہوتا ہے تو لاک ڈاؤن کو دوبارہ نافذ کرنے کے سوا کوئی چارہ نہیں ہوگا :وزیر اعلی ادھو ٹھاکرے

 

ریاست مہاراشٹر میں ڈیلٹا پلس سے 17 علاقے متاثر ، وزیر صحت راجیش ٹوپے نے کہا گھبرائیں نہ لیکن احتیاط ضروری 

ممبئی :17 اگست (بیباک نیوز اپڈیٹ) ریاست میں کورونا پابندی میں کچھ دنوں کی نرمی کے بعد مہاراشٹر کے وزیراعلیٰ ادھو ٹھاکرے نے اتوار 15 اگست کو خبردار کیا کہ اگر روزانہ کورونا وائرس کے کیسز کی تعداد بڑھتی رہی تو لاک ڈاؤن کا لگادیا جائے گا۔ یوم آزادی کے خطاب میں ٹھاکرے نے لوگوں سے اپیل کی کہ وہ عوام ان لاک کے دوران کووڈ قوانین کی پابندی کریں کیونکہ آکسیجن کا ذخیرہ محدود ہے۔ انہوں نے کہا کہ اب ہم پابندی میں نرمی کر رہے ہیں۔ کووڈ ابھی ختم نہیں ہوا ہے لہذا عوام کو زیادہ چوکس رہنے کی ضرورت ہے۔ ٹھاکرے نے کہا کہ "طبی آکسیجن کی محدود دستیابی کے پیش نظر ، اگر کیسز کی تعداد بڑھتی ہے تو ہمارے پاس لاک ڈاؤن کو دوبارہ نافذ کرنے کے سوا کوئی چارہ نہیں ہوگا۔"

 وزیراعلیٰ ادھو ٹھاکرے نے عوام سے اپیل کی کہ وہ ریاست اور ملک کو کورونا سے پاک بنانے کا عزم کریں اور آئندہ یوم آزادی ایک الگ ماحول میں منائیں۔

 ریاستی حکومت نے پچھلے ہفتے مال ، جم ، سیلون کو دوبارہ کھولنے کی اجازت دی تھی۔ اس کے علاوہ ، عام لوگوں کو 15 اگست سے لوکل ٹرین میں سوار ہونے کی اجازت ہے ، بشرطیکہ کورونا کی دونوں خوراکیں لی جائیں اور 14 دن مکمل ہو جائیں۔ اس کے علاوہ ریاست بھر میں ہوٹلوں اور دکانوں کے اوقات میں توسیع کی گئی ہے۔ کووڈ 19 پر ریاستی ٹاسک فورس 17 اگست سے اسکول اور کالج شروع کرنے کے حق میں نہیں ہیں ۔ٹھاکرے جلد ہی ٹاسک فورس کے ارکان سے مل کر اس سلسلے میں حتمی فیصلہ کریں گے۔

اس کے علاوہ وزیر صحت راجیش ٹوپے نے معلومات دیتے ہوئے کہا کہ ریاست میں ڈیلٹا پلس کے پانچ مشتبہ مریضوں کی موت ہو چکی ہے۔ تاہم ، یہ نہیں کہا جا سکتا کہ یہ 5 مریض ڈیلٹا پلس کی وجہ سے فوت ہوئے ۔وزیر صحت راجیش ٹوپے نے یہ بھی کہا کہ کچھ مریض کورونا ویکسین لینے کے بعد بھی ڈیلٹا پلس سے متاثر ہوئے ہیں۔ اس وقت ریاست میں 80 فیصد ڈیلٹا ہے۔لیکن راجیش ٹوپے نے کہا ہے کہ پریشان ہونے کی ضرورت نہیں ہے۔ احتیاط ضروری ہیں ۔جیسے جیسے کورونا کے واقعات میں کمی آئی ہیں ویسے ویسے ریاست کے کئی اضلاع میں بڑے پیمانے پر نرمی کی گئی ہے۔ اس کے بعد ممبئی کے ساتھ ساتھ دیگر اضلاع میں بھی ڈیلٹا پلس کے مریضوں کی موت ہو گئی ہے۔ وزیر صحت راجیش ٹوپے نے ایک نیوز چینل سے بات کرتے ہوئے ڈیلٹا پلس کے مریضوں کی موت پر تبصرہ کیا ہے۔ انہوں نے کہا کہ یہ نہیں کہا جا سکتا کہ ریاست میں 5 مریض صرف ڈیلٹا پلس کی وجہ سے مر چکے ہیں۔ ان مریضوں کی سابقہ معلومات نکالی جا رہی ہیں ۔ریاست میں 66 ڈیلٹا پلس کے مریض ہیں اور ان مریضوں کو ویکسین دی گئی ہے۔ انہیں کورونا انفیکشن کہاں سے ملا؟ ہم ایسی تمام معلومات لے رہے ہیں۔  

 ڈیلٹا پلس کے مریض جلگاؤں ، رتناگری ، ممبئی ، پونے ، تھانے ، پالگھر ، گوندیا ، ناندیڑ ، رائے گڑھ ، چندر پور ، آکولا ، سندھودورگ ، سانگلی ، نندوربار ، اورنگ آباد ، کولہاپور اور بیڑ اضلاع میں پائے گئے ہیں۔