ہنگامی صورتحال سے نمٹنے کارپوریشن کا ایکشن پلان تیار، کمشنر کی ہیڈ آف ڈپارٹمنٹ کیساتھ جائزہ میٹنگ

ہنگامی صورتحال سے نمٹنے کارپوریشن کا ایکشن پلان تیار، کمشنر کی ہیڈ آف ڈپارٹمنٹ کیساتھ جائزہ میٹنگ

 منصوبہ بندی کیلئے تمام محکموں کے سربراہوں کو کمشنر کی ہدایت، کنٹرول روم کا قیام، ڈیزاسٹر مینجمنٹ ٹول فری نمبر جاری 

مالیگاؤں: 7 مئی (پریس ریلیز / بیباک نیوز اپڈیٹ) مالیگاؤں میونسپل کارپوریشن کے کمشنر اور ایڈمنسٹریٹر رویندر جادھو کی نگرانی میں آج 7 مئی کو شام 4.30 بجے ہنگامی صورتحال پر قابو پانے کیلئے ایک جائزہ میٹنگ کا انعقاد کیا گیا ۔جس میں بارش کے ایام میں ممکنہ سیلاب کی صورتحال کے لیے ہنگامی انتظامات کی منصوبہ بندی کرنے کے لیے معزز کمشنر کے کانفرنس روم میں محکموں کے سربراہان کی ایک میٹنگ کا اہتمام کیا گیا۔ سب سے پہلے ڈپٹی کمشنر گنیش شندے نے مالیگاؤں میونسپل کارپوریشن کی جانب سے ممکنہ آفات سے نمٹنے کے لیے کیے گئے اقدامات کے بارے میں تفصیلات پیش کی۔ کمشنر اور ایڈمنسٹریٹر نے مالیگاؤں میونسپل کارپوریشن کے ذریعے سال 2025 میں ممکنہ سیلاب کی صورتحال کے لیے ہنگامی انتظامات کی منصوبہ بندی کے لیے ایک ہنگامی ایکشن پلان تیار کیا ہے۔ مانسون کے دوران بھاری بارش کی صورت میں یا چنکاپور اور ہرن باڑی ڈیموں سے بڑی مقدار میں پانی چھوڑے جانے کی صورت میں ممکنہ سیلاب کی صورت حال پیدا ہو سکتی ہے۔ اس کے مطابق، وارڈ آفیسر کو خطرناک جگہوں پر رہنے والے شہریوں کو نوٹس جاری کرنا چاہئے، کیونکہ سیلاب کا پانی مالیگاؤں شہر کے خطرناک مقامات پر پہنچنے کی صورت میں بھاری نقصان پہنچ سکتا ہے۔ ہنگامی صورت حال میں میونسپل کارپوریشن کی جانب سے ایک کنٹرول روم قائم کیا گیا ہے اور اس کا رابطہ نمبر 02554-231950 ہے، ڈیزاسٹر مینجمنٹ ٹول فری نمبر یہ 7720075214 ہے۔ اس کے ساتھ ہی مالیگاؤں میونسپل کارپوریشن کے تمام متعلقہ محکموں کے ساتھ مکمل تال میل کے ساتھ کام کرتے ہوئے مستقبل کی آفات سے نمٹنے کے لیے ہدایات دی گئی ہیں، تاکہ ہنگامی صورت حال کے حوالے سے مرکزی حکومت اور ریاستی حکومت کے مختلف ہدایت کے طور پر فوری اقدامات کریں۔ 

 کمشنر اور ایڈمنسٹریٹر نے کہا کہ اس بات کو یقینی بنائیں کہ متعلقہ افسران ان کو تفویض کردہ ذمہ داریوں کو مقررہ وقت کے اندر مکمل کریں۔ غفلت برتنے اور کام میں تاخیر کرنے والے افسران و ملازمین کے خلاف سخت کارروائی کی جائے گی اور یہ سروس بک میں درج کیا جائے گا۔اس میٹنگ میں میونسپل ڈپٹی کمشنر گنیش شندے، ڈاکٹر پلوی شرستھ، سٹی انجینئر کیلاش بچھو، اسسٹنٹ کمشنر انیل پارکھے، ڈپٹی انجینئر شانتارام چورے، سچن مالوال، بجلی کے سپرنٹنڈنٹ ابھیجیت پوار،استھاپنا سپروائزر نیلیش جادھو، گارڈن سپرنٹنڈنٹ نیلیش پاٹل، چیف سینی ٹیشن انسپکٹر اقبال جان محمد، سینئر کلرک نیول کھیرنار سنیل مورے، پروین پوار، کلرک انیل سانگلے، فائر ڈپارٹمنٹ کے ملازمین پیر محمد، توکارام جادھو، وویک جادھو، ستیہ جیت آہیرے،محکمہ تعلقات عامہ کے ملازمین گورو پوار، سچن پنگلے اور دیگر ملازمین موجود تھے۔ اس طرح کی تفصیلات ایک پریس ریلیز میں ڈپٹی کمشنر (ہیڈ کوارٹر)مالیگاؤں میونسپل کارپوریشن، مالیگاؤں کے توسط سے رابطہ عامہ کارپوریشن نے دی ۔