کانگریس ۔ بی جے پی اتحاد ٹوٹ گیا! بھارت وکاس اگھاڑی سے بی جے پی علیحدہ

کانگریس ۔ بی جے پی اتحاد ٹوٹ گیا! بھارت وکاس اگھاڑی سے بی جے پی علیحدہ 

کانگریس بھی مشکل میں،پارٹی ایکٹ کی خلاف ورزی کی پاداش میں اعجاز بیگ کو شوکاز نوٹس 

مالیگاؤں: 3 فروری (بیباک نیوز اپڈیٹ) مالیگاؤں میونسپل کارپوریشن میں بی جے پی اور کانگریس کا تاریخی اتحاد' جو  پس منظر میں گزشتہ جمعہ کو ہوا تھا، پیر کو دم توڑتا نظر آرہا ہے۔ 'بھارتیہ وکاس اگھاڑی' کے نام سے اکٹھے ہونے والی ان دو مخالف نظریاتی جماعتوں کی دوستی صرف 72 گھنٹوں میں ختم ہو گئی ہے۔ بی جے پی کے دونوں ارکان کے اس گروپ سے باہر نکلنے کے فیصلے سے شہر کے سیاسی حلقوں میں ایک بار پھر ہلچل مچ گئی ہے۔

بی جے پی اور کانگریس، جو کہ قومی سطح پر ایک دوسرے کے سخت مخالف ہیں، مالیگاؤں میں اکٹھے ہوئے، جس نے سب کو حیران کردیا۔ یہ گروپ پانچ لوگوں نے بنایا تھا جن میں سے تین کانگریس اور دو بی جے پی کے تھے۔ کانگریس کے اعجاز بیگ اس گروپ کے لیڈر تھے۔ تاہم دونوں پارٹی کے ورکروں اور اعلیٰ سطحوں کی جانب سے یہ تنقید سامنے آئی کہ یہ اتحاد فطری نہیں ہے۔ پیر کو بی جے پی کے ضلع صدر نیلیش کچوے، دونوں بی جے پی ممبران کے ساتھ ناسک ڈیویژنل کمشنر کے دفتر پہنچے۔ کچوے نے ڈویژنل کمشنر کو ایک خط دیا جس میں کہا گیا ہے کہ کارپوریٹر مدن گائیکواڑ کو بی جے پی گروپ لیڈر کے طور پر منتخب کیا جا رہا ہے۔

بی جے پی اور کانگریس کا گروپ آئین کے برخلاف ہے۔

بی جے پی اور کانگریس کے نظریات بالکل الگ ہیں، اس لیے میونسپل کارپوریشن میں کانگریس کے ساتھ گروپ بنانا ہمارے لیے ممکن نہیں ہے، بی جے پی کے ضلع صدر نیلیش کچوے نے اس طرح کی وضاحت بھی کی ہے۔ بھارتیہ وکاس اگھاڑی کے نام سے پہلے جو گروپ بنایا گیا تھا اس کا پارٹی سے کوئی تعلق نہیں ہے۔ نیز اس طرح گروپ کی تشکیل اور رجسٹریشن غیر آئینی تھی۔ اس لیے پارٹی کے علاقائی صدر 

کچوے نے کہا کہ پارٹی سے موصولہ حکم کے مطابق بی جے پی گروپ کو پیر کو باقاعدہ رجسٹر کیا گیا تھا۔اس فیصلے کی وجہ سے جمعہ کو تین کانگریس اور دو بی جے پی ممبران کی طرف سے گروپ رجسٹریشن میں اب تکنیکی دشواریوں کا سامنا کرنا پڑ گیا ہے اور امکان ہے کہ میونسپل کارپوریشن میں اقتدار کی تشکیل کے اعداد و شمار پھر سے بدل جائیں گے۔

وہیں اس اتحاد پر کانگریس پارٹی کے صدر اعجاز بیگ کو کانگریس پارٹی سے نکالے جانے کا ایک لیٹر پارٹی کے ضلعی صدر نے جاری کیا ۔جس میں انہوں نے لکھا ہے کہ اعجاز بیگ نے کانگریس پارٹی کے اصولوں اور پارٹی ایکٹ کی خلاف ورزی کی ہے ۔بی جے پی سے گٹ رجسٹریشن کرنا ایک غلطی ہے ۔اس کی پاداش میں اعجاز بیگ کو فی الحال کانگریس کی صدارت سے ہٹایا جاتا ہے اور معقول جواب دینے کی درخواست کی جاتی ہے ورنہ مزید قانونی کارروائی کیلئے کانگریس پارٹی فیصلہ لینے کیلئے آزاد ہوگی۔اس ضمن میں ابھی تک کانگریس کے صدر اعجاز بیگ کا کوئی بیان سامنے نہیں آیا ہے ۔