کانگریس پارٹی کے امیدواروں کی پہلی فہرست جاری ،اعجاز بیگ کی پریس کانفرنس، کانگریس پارٹی کارپوریشن چناؤ تنہا لڑیگی

کانگریس پارٹی کے امیدواروں کی پہلی فہرست جاری ،اعجاز بیگ کی پریس کانفرنس، دیکھیں تفصیلات

کانگریس پارٹی کارپوریشن چناؤ تنہا لڑیگی،مجلس سے سیاسی اتحاد نہیں ہوسکا، ہم تعمیر و ترقی پر چناؤ لڑینگے :اعجاز بیگ 

اعجاز بیگ ،یاسمین بیگ اور ریاض بیگ سمیت 9 امیدواروں کے ناموں کا اعلان 

مالیگاؤں : 26 دسمبر (بیباک نیوز اپڈیٹ) مالیگاؤں میونسپل کارپوریشن چناؤ کے ضمن میں کانگریس پارٹی نے مجلس اتحاد المسلمین سے اتحاد کا فیصلہ کیا تھا ۔ہم نے مجلس کے ایم ایل اے مفتی اسمٰعیل و عبد المالک سمیت پارلیمنٹری بورڈ کیساتھ مسلسل میٹنگ کی تھی ۔کانگریس پارٹی کو مجلس نے 17 سیٹوں کا حصہ بھی دیا تھا ۔ہم نے کانگریس پارٹی کی جانب سے مالیگاؤں کارپوریشن انتخابات میں 17 سیٹوں پر چناؤ لڑ لڑنے کی بات کی تھی ۔اس سلسلے میں ہم نے مجلس سے سیاسی اتحاد کا ذکر جب کانگریس کے ریاستی صدر ہرش دورھن سپکال و کانگریس نیوڑ سمیتی سے کیا تو انہوں نے مجلس سے اتحاد کرنے سے انکار کردیا ۔اور ہم نے تنہا چناؤ لڑنے کا فیصلہ کیا جسکا آج اعلان کررہے ہیں ۔اس طرح کے جملوں کا اظہار جمیل کرانتی نے کیا ۔موصوف کانگریس بھون قدوائی روڈ پر منعقدہ پریس کانفرنس سے خطاب کررہے تھے، 

اس پریس کانفرنس سے کانگریس پارٹی کے صدر اعجاز بیگ نے اپنے امیدواروں کی پہلی فہرست جاری کرتے ہوئے بتایا کہ وارڈ نمبر 18 سے اعجاز بیگ عزیز بیگ، یاسمین بیگ اعجاز بیگ ،ریاض بیگ عزیز بیگ، وارڈ نمبر 21 تسلیمہ زین العابدین پٹھان ۔وارڈ نمبر 7 سے رشیدہ عبد القیوم بھایا، وارڈ نمبر 3 افرین پروین شیخ مقیم الدین عبد الرشید مینا نگر ۔وارڈ نمبر 2 یاسمین شکیل احمد، وارڈ نمبر 20 عبد الاحد کلیم الدین اور وارڈ نمبر 17 سے اشرف علی نبی سرور کو امیدواری دی گئی ۔

اعجاز بیگ نے کہا کہ ہم تعمیر و ترقی کے نام پر چناؤ لڑینگے ۔انہوں نے کہا کہ ہمارے پاس 25 امیدواروں کے عریضہ آئے ہیں اور جلد ہی ہم دوسری لسٹ بھی جاری کرینگے۔اعجاز بیگ نے کہا کہ نظریاتی طور پر ایم آئی ایم سے اتحاد نہیں ہوسکا ۔انہوں نے کہا کہ میئر چناؤ میں ہم شخصیت دیکھ کر حمایت کرینگے ۔اس پریس کانفرنس میں کانگریس پارٹی کے ذمہ داران و پارلیمنٹری بورڈ ممبران میں زین العابدین پٹھان، عمران انجینئر سمیت دیگر افراد موجود تھے ۔