ناسک سینٹرل جیل میں قیدیوں کے بیچ جھگڑا ، جیل روڈ پولس اسٹیشن میں مقدمہ درج

ناسک سینٹرل جیل میں قیدیوں کے بیچ جھگڑا ، جیل روڈ پولس اسٹیشن میں مقدمہ درج 

ناسک : 9 جون (بیباک نیوز اپڈیٹ) ناسک روڈ سینٹرل جیل میں اپنی سزا کاٹ رہے ایک قیدی کو جمعہ کی صبح سویرے دو سے تین قیدیوں نے لاٹھیوں سے بری طرح پیٹا اور فرش کے ٹکڑے سے زخمی کر دیا۔اس سلسلے میں ناسک روڈ (جیل روڈ) پولس اسٹیشن میں کیس درج کیا گیا ہے۔

تفصیلات کے مطابق جیل میں قید شکایت کنندہ سمیر سنجے سوناونے (عمر 20) کی طرف سے درج کرائی گئی شکایت میں کہا گیا ہے کہ جب وہ صبح 6 بجے کے قریب بیرک نمبر 8 میں اپنے کمرے میں سو رہا تھا، مشتبہ قیدی معین جاوید شیخ، اتھرو دیپک اوگلے، سدھارتھ عرف سچن دھنیکر نے پرانی رنجش اور جھگڑے کو ذہن میں رکھتے ہوئے اس کے ساتھ زیادتی کی۔ انہوں نے اس کے سر پر فرش کا ٹکڑا مار کر زخمی بھی کیا۔ سوناونے کی شکایت کی بنیاد پر پولس نے ملزم کے خلاف مقدمہ درج کر لیا ہے۔ پولس کانسٹیبل بھولے سینئر پولس انسپکٹر اشوک گری کی رہنمائی میں تفتیش کر رہے ہیں۔