بھنڈارا کی آرڈیننس فیکٹری میں خوفناک دھماکہ ، 8 مزدور ہلاک، سات مزدور شدید زخمی

بھنڈارا کی آرڈیننس فیکٹری میں خوفناک دھماکہ ، 8 مزدور ہلاک سات شدید زخمی 

 بھنڈارا : 24 جنوری (بیباک نیوز اپڈیٹ) بھنڈارا ضلع میں آرڈیننس مینوفیکچرنگ کمپنی میں زبردست دھماکہ ہوا۔  ابتدائی معلومات سامنے آئی ہیں کہ اس حادثے میں 8 افراد کی موت ہو گئی ہے اور کہا جا رہا ہے کہ 6 سے 7 افراد شدید زخمی ہوئے ہیں۔

 کمپنی میں کام کے دوران یہ خوفناک دھماکہ صبح 11 بجے کے قریب ہوا۔  دھماکے سے علاقے میں خوف وہراس پھیل گیا اور پولس انتظامیہ موقع پر پہنچ گئی۔ فی الحال امدادی کام جاری ہے اور ہلاکتوں میں اضافے کا خدشہ ہے۔

 اس بارے میں تفصیلی خبر سامنے آئی ہے کہ بھنڈارا ضلع میں آرڈیننس مینوفیکچرنگ کمپنی میں بڑا دھماکہ ہوا ہے۔ یہ دھماکہ بھنڈارا کے جواہر نگر میں آرڈیننس فیکٹری کے آر کے برانچ سیکشن میں ہوا۔ کہا جاتا ہے کہ جہاں سابو دانہ جیسا خام مال جو RDX بنانے میں استعمال ہوتا ہے رکھا ہوا تھا اسی حصے میں دھماکہ ہوا ۔

 حادثے میں 8 افراد کی موت ہو گئی اور 6 سے 7 افراد شدید زخمی ہو گئے۔  حادثے میں زخمیوں کو فوری طور پر اسپتال میں داخل کرایا گیا اور پولیس انتظامیہ، فائر بریگیڈ اور ریسکیو ٹیم موقع پر پہنچ گئی۔  دھماکہ صبح گیارہ بجے اس وقت ہوا جب کمپنی میں کام جاری تھا۔اس دھماکے کی آواز شہریوں نے تقریباً پانچ کلومیٹر تک سنی۔ تو ہم اندازہ لگا سکتے ہیں کہ اس دھماکے کی شدت کتنی خوفناک ہو گی۔