قابلیت کے برخلاف ہیڈ ماسٹر، پرنسپل اور اساتذہ کی تقرری کرنے والی اسکولوں پر سخت کارروائی کی جائے گی

قابلیت کے برخلاف ہیڈ ماسٹر، پرنسپل اور اساتذہ کی تقرری کرنے والی اسکولوں پر سخت کارروائی کی جائے گی

 ہائی اسکولوں اور جونیئر کالجوں میں غیر قانونی سرگرمیوں کی شکایات موصول،ڈیویژنل سکریٹری ایجوکیشن نے کارروائی کا انتباہ دیا 

اگر اسکول و جونیئر کالج بددیانتی یا غیر قانونی کام کریں تو بورڈ کے ٹیلی فون نمبر 0253-2945251 پر شکایت کریں: ڈویژنل سکریٹری 

ناسک : 11 ستمبر (بیباک نیوز اپڈیٹ) ایجوکیشن ڈپارٹمنٹ میں آئے دن غیر قانونی سرگرمیوں کی گونج سنائی دیتی ہیں مقامی سطح سے لیکر اعلیٰ سطح پر تعلیمی نظام میں خرابی در آئی ہے ۔کہیں حقوق کی خلاف ورزی ہورہی ہیں تو کہیں رشوت کا بازار گرم ہے اور یہی وجہ ہے کہ ناسک ضلع پوری ریاست میں رشوت خوری کے گراف میں سب سے اوپر شمار کیا جاتا ہے ۔اس رشوت خوری کے گراف میں محکمہ تعلیم سب سے اوپر ہے ۔تعلیمی میدان میں در آئی خرابیوں کا نوٹس لیتے ہوئے ناسک ڈیوژن کے ایجوکیشن سیکرٹری ایم ایس دیسلے نے سخت نوٹس لیا ہے ۔انہوں نے کہا کہ ہیڈ ماسٹر کی تقرری ، پرنسپل تقرری اور اساتذہ کی تقرری کے علاوہ قانون کی عدم تعمیل کرنے والوں کے خلاف سخت کارروائی کی جائے گی ۔اسی طرح تعلیمی شخص کے علاوہ کسی ایسے شخص کی طرف سے اسکول کے کاغذات پر دستخط کرنا جو ہیڈ ماسٹر، پرنسپل کے عہدے پر فائز ہونے کا مجاز نہیں ہے ان پر بھی کارروائی کی جائے گی ، 9ویں اور 11ویں جماعت میں فیل ہونے والے طلباء کو17 نمبر فارم بھرنے کے تعلق سے  مجبور کرنا۔ سمیت دیگر غیر قانونی کام مہاراشٹر اسٹیٹ بورڈ آف سیکنڈری اینڈ ہائر سیکنڈری ایجوکیشن ڈویژنل سکریٹری ایم ایس ڈیسلے نے سخت موقف اختیار کرتے ہوئے متعلقہ افراد کے خلاف کارروائی کا انتباہ دیا ہے۔

 ڈیویژنل سکریٹری کو ناسک ڈویژن کے تحت زیادہ تر تسلیم شدہ سیکنڈری اسکولوں اور ہائیر سیکنڈری اسکولوں کی غیر قانونی سرگرمیوں کے بارے میں شکایات موصول ہوئی تھیں۔ ان میں تعلیمی قابلیت کے بغیر ہیڈ ماسٹرز کا تقرر، محکمہ تعلیم کی منظوری کے بغیر پرنسپلوں کا تقرر، کچھ اسکول اور جونیئر کالج 10ویں اور 12ویں جماعت میں طلبہ کو 9ویں اور 11ویں جماعت میں 100% نتائج حاصل کرنے میں ناکام کردیتے ہیں۔  ان کی طرف سے زبردستی درخواست نمبر 17 بھری جاتی ہے۔  کچھ اسکولوں اور کالجوں میں 30 فیصد سے زائد طلبہ فیل ہوتے ہیں، 17 نمبر فارم درخواستوں میں اضافہ ہوا ہے۔ بہت سے اسکول جونیئر کالج مختلف وجوہات کی بنا پر فیس لیتے ہیں۔ اور کہتے ہیں کہ اگر یہ فیس ادا نہ کی گئی تو طلباء کو تعلیمی بورڈ کی جانب سے جاری کردہ مارک شیٹ دینے سے روک دیا جائے گا۔ اگر طلباء کو اپنے اسکول سے مارک شیٹ حاصل کرنے میں دشواری کا سامنا کرنا پڑتا ہے، تو انہیں اپنے 10ویں، 12ویں کا درخواست فارم دوسرے اسکول سے پُر کرنا ہوگا۔

 اس دوران ڈیسلے نے اپیل کی ہے کہ اگر کوئی شخص اسکول جونیئر کالجس کے معاملات میں کسی قسم کی بے ضابطگی یا بددیانتی محسوس کرے تو وہ بورڈ کے ٹیلی فون نمبر 0253-2945251 پر اس کی اطلاع دیں۔ متعلقہ افراد کے خلاف کارروائی کرنے کی وارننگ بھی دی گئی ہے۔