سنویدھدان سرکشا کے سپاہی اکھیلش یادو کا مالیگاؤں دورہ ،کلو اسٹیڈیم میں جلسہ عامرات میں مالیگاؤں میں ہی قیام، سرکردہ شخصیات و تنظیموں سے ملاقات و موجودہ حالات پر تبادلہ خیال ہوگا

سنویدھدان سرکشا کے سپاہی اکھیلش یادو کا مالیگاؤں دورہ ،کلو اسٹیڈیم میں جلسہ عام

رات میں مالیگاؤں میں ہی قیام، سرکردہ شخصیات و تنظیموں سے ملاقات و موجودہ حالات پر تبادلہ خیال ہوگا 

جمعہ کو شبیر نگر کے خواجہ غریب نواز گارڈن میں بیداری میٹنگ، مستقیم ڈگنیٹی و شان ہند کی پریس کانفرنس 

مالیگاؤں : 15 جولائی (بیباک نیوز اپڈیٹ) سنویدھدان سرکشا کے سپاہی اکھیلش یادو کا 9 اگست کرانتی دن کے موقع پر مالیگاؤں تشریف لا رہے ہیں ۔اس دن سے مالیگاؤں سمیت مہاراشٹر کی سیاست میں کرانتی آئے گی ۔اکھیلش یادو کے دورہ سے اسمبلی الیکشن کا آغاز کیا جائے گا ۔اس مقصد کو لیکر آج سماجوادی پارٹی رابطہ آفس پر منعقدہ پریس کانفرنس سے خطاب کرتے ہوئے مستقیم ڈگنیٹی و شان ہند نے کہا کہ اکھلیش یادو کے دوہ کی تیاریاں تیزی سے جاری ہے ۔جلسہ عام کی جگہ کا تعین سماجوادی پارٹی کے ذمہ داران نے کرلیا ہے ۔9 اگست جو عزیز کلو اسٹیڈیم میں جلسہ عام کا انعقاد کیا جارہا ہے ۔اکھلیش یادو 9 اگست کو مالیگاوں میں جلسہ عام سے خطاب کرینگے اور اسی رات مالیگاؤں میں قیام کرینگے ۔اس دوران اکھلیش یادو شہر کی معزز شخصیات اور تنظیموں سے ملاقات کرتے ہوئے مسائل پر تبادلہ خیال بھی کرینگے ۔ان میں بالخصوص پاورلوم تنظیموں کے نمائندے اور جائزہ کمیٹی کے ممبران کا شمار ہے وہیں تعلیمی و مذہبی شخصیات سے بھی اکھلیش یادو ملاقات کرینگے ۔

اکھیلش کے دورہ پر مستقیم ڈگنیٹی نے بتایا کہ یہ صرف سماجوادی کا پروگرام نہیں ہے بلکہ یہ اہالیان مالیگاؤں شہر کا پروگرام ہے سماجوادی پارٹی صرف اس پروگرام کی کنوینر ہوگی ۔اس لئے شہریان بڑی تعداد میں جلسہ عام میں شرکت کرتے ہوئے سنویدھدان سرکشا کے سپاہی اکھیلش یادو کا استقبال کریں ۔اکھلیش یادو کے جلسہ کو کامیاب بنانے کیلئے شہر میں بیداری پیدا کرنے کیلئے میٹنگ کا انعقاد بھی کیا جارہا ہے ۔

انہوں نے کہا کہ شبیر نگر سیلانی چوک کے خواجہ غریب نواز گارڈن میں بیداری میٹنگ کا انعقاد آئندہ جمعہ 19 جولائی کو کیا جارہا ہے ۔اس میٹنگ میں شہری سیاست پر بھی بات چیت کی جائے گی ۔مستقیم ڈگنیٹی نے کہا کہ اب بہت ہوگیا شہر دونوں ہی لیڈران کی باتوں میں آنے والا نہیں ہے ۔لیڈران کی تقاریر سے عوام کو کوئی فائدہ نہیں ہو رہا ہے ۔ایک دوسرے پر الزامات لگا کر شہریان کا وقت برباد کیا جارہا ہے ۔بندوق کی سیاست کو بھی اب ختم ہونا چاہئے ۔انہوں نے کہا کہ اس میٹنگ میں نعمانی بریج کے تعلق سے تفصیلات بھیج اجاگر کی جائے گی ۔اس سے قبل نعمانی بریج کے تعلق سے شہریان کو لکڑی کا لڈو دیا گیا تھا اور اب کس چیز کا لڈو دے رہے ہیں؟ اسکا بھی خلاصہ کیا جائے گا

مستقیم ڈگنیٹی نے کہا کہ مالیگاؤں کی سیاست میں اصلاح کا نعرہ لیکر آنے والے لوگ ہی اصلاح معاشرہ کی بجائے معاشرہ کی برائی کررہے ہیں ۔ان سب عنوانات پر جمعہ کو میٹنگ میں خلاصہ کیا جائے گا ۔اس پریس کانفرنس سے شان ہند نے اکھیلش یادو کے دورہ کی تفصیلات پیش کرتے ہوئے عوام سے جلسہ عام میں شرکت کی اپیل کی ہے وہیں اطہر حسین اشرفی، سہیل عبد الکریم وغیرہ نے بھی اپنے خیالات کا اظہار کیا ۔اس پریس کانفرنس میں رشید سیٹھ ایولے والے، انیس مستری، یحییٰ عبد الجبار، خورشید کابل، معین اختر، عبد الرحمن انصاری سمیت درجنوں افراد موجود تھے ۔