عبد المالک پر ہوئے قاتلانہ حملہ کے الزام میں دو نامعلوم افراد پر سٹی پولس اسٹیشن میں اقدام قتل کا مقدمہ درج

عبد المالک پر ہوئے قاتلانہ حملہ کے الزام میں دو نامعلوم افراد پر سٹی پولس اسٹیشن میں اقدام قتل کا  مقدمہ درج

مالیگاؤں : (بیباک نیوز اپڈیٹ) گزشتہ اتوار کی شب دیر گئے سابق میئر و مجلس کے موجودہ ضلعی صدر حاجی عبد المالک یونس عیسی پر فائرنگ کرتے ہوئے ان پر قاتلانہ حملہ کیا گیا ۔اس ضمن میں سٹی پولیس  اسٹیشن سے ملی تفصیلات کے مطابق فریادی شیخ ریحان شیخ سلیم 40 سالہ نے شکایت درج کروائی کہ تاج مال شاہ بلڈنگ مٹیریل آگرہ روڈ پر رحمان شاہ کے ساتھ عبدالمالک یونس عیسی بیٹھے ہوئے تھے۔ تب اچانک دو نامعلوم افراد موٹر سائیکل پر دریگاؤں کی سمت سے آئے اور عبدالمالک پر فائرنگ کردی۔ جس کے سبب وہ شدید طور پر زخمی ہوگئے۔

اس معاملے میں  شکایت کنندہ کی فریاد پر سٹی پولیس اسٹیشن نے 2 نامعلوم افراد پر گناہ رجسٹر نمبر 160/24 تعزیرات ہند کی دفعہ 307 /34 اور آرام ایکٹ کی دفعات  3 اور 25 کے تحت مقدمہ درج کرلیا ہے۔ جبکہ اس معاملے کی مزید تحقیقات پولیس کے اعلی افسران کررہے ہیں۔ فی الحال مذکورہ معاملے میں آگے کی قانونی کاروائی اے پی آئی تھورات کے حوالے کردی گئی ہے۔

اس واردات کے بعد رکن اسمبلی مفتی محمد اسماعیل قاسمی، مسلم پرسنل لاء بورڈ کے سیکرٹری مولانا عمرین محفوظ رحمانی کے ساتھ ساتھ کانگریس صدر اعجاز بیگ، مستقیم ڈگنیٹی نے اظہار افسوس کرتے ہوئے پولیس انتظامیہ سے ملزمین کے خلاف سخت قانونی کارروائی کا مطالبہ کیا ہے۔ جبکہ اس واردات کے پیچھے کون شامل ہے؟ اسے بھی بے نقاب کرنے کا مطالبہ زور پکڑتا دیکھائی دے رہا ہے۔