داؤد ابراہیم کو کھانے میں زہر دیا گیا، تشویشناک حالت کے باعث انڈرورلڈ ڈان ہسپتال میں داخل، وائرل خبر سے پاکستان میں سنسنی

داؤد ابراہیم کو کھانے میں زہر دیا گیا، تشویشناک حالت کے باعث انڈرورلڈ ڈان ہسپتال میں داخل، وائرل خبر سے پاکستان میں سنسنی 

 کراچی : 18 دسمبر (بیباک نیوز اپڈیٹ) انڈر ورلڈ ڈان داؤد ابراہیم کو زہر دیکر مارنے کی کوشش کی گئی ہے ۔اسطرح کا دعویٰ کیا گیا ہے۔'سوشل میڈیا' پر وائرل ہونے والی خبروں کے مطابق، ان کی حالت نازک ہونے کی وجہ سے انہیں اسپتال میں داخل کرایا گیا ہے۔لیکن اس خبر کی تصدیق نہیں ہو سکی ہے کہ داؤد کو زہر دیا گیا تھا یا نہیں؟ ۔

 بتایا جاتا ہے کہ جس اسپتال میں داؤد داخل ہے وہاں سخت سیکورٹی ہے۔ داؤد ہسپتال کے اس فلور پر واحد مریض ہے۔ یہاں صرف اسپتال کے اعلیٰ افسران اور ان کے قریبی افراد کو داخل کیا جا رہا ہے۔ پاکستان میں داؤد کو زہر دیے جانے کی خبر کے بعد ملک میں ہلچل مچ گئی ہے۔ پاکستان میں انٹرنیٹ سرورز ڈاؤن ہونے کی خبر ہے۔

 لاہور، کراچی، اسلام آباد جیسے ملک کے کئی بڑے شہروں میں بھی سرورز ڈاؤن ہیں۔ اس کے علاوہ ایکس، فیس بک، انسٹاگرام بھی کام نہیں کر رہے۔ رات 8 بجے کے بعد انٹرنیٹ کی رفتار سست ہو جاتی ہے۔ دنیا بھر میں انٹرنیٹ، سائبر سیکیورٹی اور ڈیجیٹل گورننس کی نگرانی کرنے والی تنظیم نیٹ بلاک نے پاکستان میں سوشل میڈیا پلیٹ فارمز پر پابندی کی تصدیق کی ہے۔

 پاکستانی صحافی آرجو کاظمی کا کہنا تھا کہ ’’سنا ہے کہ داؤد ابراہیم کو کسی نے زہر دیا اور پھر ان کی طبیعت خراب ہوگئی۔ ان کی حالت مزید بگڑ گئی ہے اور انہیں کراچی کے ایک اسپتال میں داخل کرایا گیا ہے۔