کیرالہ میں یہودی کنوکیشن سینٹر میں تین بم دھماکے ، ایک ہلاک، 20 زخمی، این آئی اے اور آئی بی کی ٹیم ابتدائی جانچ میں مصروف

کیرالہ میں یہودی کنوکیشن سینٹر میں تین بم دھماکے ، ایک ہلاک، 20 زخمی، این آئی اے اور آئی بی کی ٹیم ابتدائی جانچ میں مصروف 

کیرالہ : 29 اکتوبر (بیباک نیوز اپڈیٹ) کیرالہ کے ایرناکلم میں ایک کنونشن سینٹر میں اتوار کو تین بم دھماکے ہوئے۔ اس واقعے میں ایک خاتون جاں بحق اور 20 افراد زخمی ہو گئے۔ اطلاعات کے مطابق کالامسری میں ہونے والے کنونشن سینٹر میں صبح 9.30 بجے یہودی برادری کے لوگ عبادت کررہے تھے کہ کچھ ہی دیر بعد تقریباً 5 منٹ میں لگاتار تین بم دھماکہ ہوئے ۔

یہودی تنظیم کے مقامی ترجمان ٹی اے سری کمار نے بتایا کہ کنونشن ہال میں صبح 9:45 پر تین دھماکے ہوئے۔دھماکے عبادت ختم ہونے کے چند سیکنڈ بعد ہوئے۔ پہلا دھماکہ ہال کے وسط میں ہوا۔ چند سیکنڈ بعد ہال کے دونوں طرف دو اور دھماکے ہوئے۔ ایرناکولم میں جہاں دھماکہ ہوا۔ یہودی برادری کے لوگوں کی ایک بڑی تعداد اس کے آس پاس رہتی ہے۔

خیال رہے کہ میڈیا کے مطابق دو روز قبل ایرناکولم میں حماس کی حمایت میں ایک ریلی بھی نکالی گئی تھی۔ آئی بی اور این آئی اے کی ٹیم موقع پر پہنچ گئی ہے۔ دھماکے کے وقت کنونشن سینٹر میں تقریباً ایک ہزار افراد موجود تھے۔ تمام ہسپتالوں کو الرٹ کر دیا گیا ہے۔ دھماکے کی وجہ سامنے نہیں آئی ہے۔ کیرالہ کی وزیر صحت وینا جارج نے محکمہ کے افسران کو دھماکے میں زخمی ہونے والوں کو بہتر علاج فراہم کرنے کی ہدایت دی ہے۔ایرناکولم کے تمام اسپتالوں کو الرٹ کردیا گیا ہے۔ وزیر نے تمام ہیلتھ ورکرز بشمول ڈاکٹروں کو چھٹی خمت کر کام پر واپس آنے کی ہدایت کی ہے۔ اس کے علاوہ کالامسری میڈیکل کالج، ایرناکلم جنرل ہاسپٹل اور کوٹیم میڈیکل کالج میں اضافی سہولیات کو بڑھانے کی بھی ہدایات دی گئی ہیں۔