لوک سبھا چناؤ کیلئے مہاوکاس اگھاڑی میں سیٹوں کا بٹوارہ! کسے کتنی جگہ ملی؟

لوک سبھا چناؤ کیلئے مہاوکاس اگھاڑی میں سیٹوں کا بٹوارہ! کسے کتنی جگہ ملی؟ 

ممبئی : 16 مارچ (بیباک نیوز اپڈیٹ) کیا مہاوکاس اگھاڈی آئندہ لوک سبھا، ودھان سبھا اور مقامی خود مختار حکومتی اداروں (کارپوریشن) کے انتخابات ایک ساتھ لڑے گی یا آزادانہ طور پر لڑے گی؟ اس بارے میں کوئی باضابطہ اعلان نہیں کیا گیا ہے۔ لیکن یہ خبر آرہی ہے کہ لوک سبھا انتخابات کے لیے سیٹ الاٹمنٹ پر مہر لگ گئی ہے۔ کہا جاتا ہے کہ اس میں ٹھاکرے گروپ کو سب سے زیادہ سیٹیں ملی ہیں اور کانگریس کو سب سے کم سیٹیں ملی ہیں۔

 ذرائع کے مطابق مہاراشٹر میں لوک سبھا کی 48 سیٹیں ہیں۔ ان میں سے 21 سیٹوں پر ٹھاکرے گروپ اور این سی پی 19 سیٹوں پر جبکہ کانگریس صرف 8 سیٹوں پر الیکشن لڑے گی۔ ٹھاکرے گروپ ممبئی کی 6 میں سے 4 سیٹوں پر جبکہ این سی پی اور کانگریس ایک ایک سیٹ پر چناؤ لڑ سکتے ہیں۔

 لوک سبھا انتخابات کو ابھی ایک سال باقی ہے۔ اس لیے تمام سیاسی جماعتیں اس الیکشن میں زیادہ سے زیادہ سیٹیں کامیاب کرنے کی تیاری کر رہی ہیں۔ ادھر بی جے پی نے ملک میں تیسری بار حکومت بنانے کی تیاریاں شروع کر دی ہیں۔ بی جے پی نے لوک سبھا انتخابات میں 'مشن 45' شروع کیا ہے۔ اسی کے مطابق بی جے پی لیڈر ملک بھر میں کام پر لگے ہوئے ہیں۔ اس کے علاوہ مرکزی وزراء کو مہاراشٹر کے کچھ حلقوں کی ذمہ داری بھی دی گئی ہے۔