چین سمیت پانچ ممالک سے ہندوستان آنے والے مسافروں کی جانچ شروع ، مرکزی حکومت کا فیصلہ و ہدایات پر عمل آوری

چین سمیت پانچ ممالک سے ہندوستان آنے والے مسافروں کی جانچ شروع ، مرکزی حکومت کا فیصلہ و ہدایات پر عمل آوری 

 نئی دہلی : 24 دسمبر (بیباک نیوز اپڈیٹ)چین میں کورونا کی تباہی بڑھتی جا رہی ہیں ۔  وہاں کے ہسپتال سے آنے والی خبروں سے پڑوسی ممالک میں بھی تشویش بڑھ گئی ہے۔ ایک اعلیٰ سرکاری اہلکار کی جانب سے پیش کیے گئے اعداد و شمار چونکا دینے والے ہیں۔ اتھارٹی کے مطابق چین کے سرکاری اعدادوشمار متاثرہ مریضوں کی تعداد کو چھپا رہے ہیں۔ اتھارٹی نے خدشہ ظاہر کیا ہے کہ ایک دن میں تین کروڑ سے زائد متاثرہ افراد رپورٹ ہوئے ہیں۔  یہ تعداد پوری دنیا میں ایک دن میں سب سے زیادہ ہے۔ تاہم سرکاری طور پر اس کی تصدیق نہیں کی گئی ہے۔ اب بھارت نے بھی احتیاطی تدابیر اختیار کر لی ہیں۔

 ان ہوائی اڈوں پر آر ٹی پی سی آر کی جانچ شروع ہوئی۔

 چین سمیت دیگر ممالک میں کورونا کی صورتحال کا نوٹس لیتے ہوئے بھارت میں بھی احتیاطی اقدامات کیے گئے ہیں۔ اس ضمن میں دہلی، ممبئی، حیدرآباد، بنگلور، چنئی، احمد آباد، پونہ ، اندور اور گوا سمیت مختلف ہوائی اڈوں پر صبح سویرے RTPCR کووڈ اسکریننگ شروع ہو گئی ہے۔  اس کے علاوہ حکام نے واضح کیا ہے کہ ہم کورونا کے مختلف قوانین پر عمل کر رہے ہیں۔

 ان پانچ ممالک سے آنے والے مسافروں پر پابندیاں

 دنیا بھر میں بڑھتے ہوئے کورونا انفیکشن کے پیش نظر مرکزی حکومت نے بڑا فیصلہ لیا ہے۔ وزیر صحت منسکھ منڈاویہ نے کہا کہ چین، جاپان، ہانگ کانگ، بنکاک اور جنوبی کوریا سے ہندوستان آنے والے مسافروں کے لیے RT-PCR ٹیسٹ لازمی ہوگا۔ انہوں نے کہا کہ اس سلسلے میں جلد ہی تفصیلی حکم نامہ جاری کیا جائے گا۔