دو بہنوں کی تالاب میں ڈوبنے سے موت ، چوتھی اور دوسری جماعت میں تھیں زیر تعلیم

دو بہنوں کی تالاب میں ڈوبنے سے موت ، چوتھی اور دوسری جماعت میں تھیں زیر تعلیم 

سرگانہ : 31 اکتوبر (بیباک نیوز اپڈیٹ)ناسک ضلع سے قریب گجرات سرحد سے متصل ایک افسوسناک واقعہ پیش آیا ہے۔ تعلقہ کے راشا نامی گاؤں میں ضلع پریشد اسکول میں پڑھنے والی دو بہنیں جھیل میں ڈوب کر ہلاک ہوگئیں۔ یہ دونوں امبرٹھان کے قریب راشا کے رہنے والے ہیں۔ اس سانحہ کے بعد پورے گاؤں میں غم و اندوہ کا ماحول پیدا ہو گیا ہے ۔

 موصولہ معلومات کے مطابق، مرنے والی بہنوں کی شناخت بھومیکا نریش راوت (عمر 11، کلاس 4) اور اجولا نریش راوت (عمر 8، کلاس 2) کے طور پر کی گئی ہے۔ دونوں بہنیں اتوار کی صبح تقریباً 11 بجے کپڑے دھونے کے لیے راشا کے تالاب گئی تھیں۔ کپڑے دھوتے ہوئے بڑی بہن بھومیکا کا پاؤں پھسل گیا اور وہ ڈوبنے لگی۔ اجولا نے اسے بچانے کے لیے پانی میں چھلانگ لگا دی۔ دونوں نے ایکدوسرے کو بچانے کے لئے مضبوطی سے گلے لگایا۔ اس حادثے میں دونوں بہنیں جھیل میں ڈوب کر ہلاک ہوگئیں۔ اس واقعہ سے علاقے میں غم و اندوہ کا ماحول پیدا ہوگیا ہے۔ اطلاع ملتے ہی دونوں بہنوں کی لاشیں نکال لی گئیں۔ جس کے بعد دونوں لاشوں کا پوسٹ مارٹم کیا گیا۔ اتوار کی شام پانچ بجے کے قریب سوگوار ماحول میں دونوں بہنوں کی آخری رسومات ادا کی گئیں۔ تحصیلدار سچن ملک، نائب تحصیلدار راجیندر مورے، گروپ ڈیولپمنٹ آفیسر دیپک پاٹل، گروپ ایجوکیشن آفیسر دھننجے کولی، رتن چودھری، پانڈورنگ پوار، توکارام بھوئے، سدھاکر بھوئے اور پرائمری ٹیچرس اسوسی ایشن نے قبائلیوں سے تعزیت کا اظہار کیا ہے۔