موسم ندی میں ڈوبنے والے دونوں بچوں کی شناخت ، 16 سالہ عبدالرحیم ناظم پٹھان اور 19 سالہ شہزاد ذاکر شیخ سے ہوئی ، تلاش اب بھی جاری

موسم ندی میں ڈوبنے والے دونوں بچوں کی شناخت ، 16 سالہ عبدالرحیم ناظم پٹھان اور 19 سالہ شہزاد ذاکر شیخ  سے ہوئی ، تلاش اب بھی جاری 

 

 فائر بریگیڈ عملہ کیساتھ شکیل تیراک اور قلعہ تیراک گروپ سرچ آپریشن میں مصروف 

مالیگاؤں : 10 اگست (بیباک نیوز اپڈیٹ)آج موسم ندی کے فرشی پل پر سے ندی میں ڈوب جانے والے دونوں بچوں کی شناخت کرلی گئی ہیں ۔ہمارے نمائندے نے تفصیلات پیش کرتے ہوئے بتایا کہ جیسے ہی موٹر سائیکل ندی سے برآمد کی گئی اسی وقت گاڑی نمبر ٹریس کرتے ہوئے پتہ لگایا گیا کہ موٹر سائیکل کے مالک گالنہ سے تعلق رکھنے والے ڈاکٹر ناظم پٹھان کی ہے ۔اسی وقت ہمارے نمائندے نے گالنہ میں رابطہ قائم کیا اور تفصیلات طلب کی ۔

حاصل تفصیلات کے مطابق ڈاکٹر ناظم پٹھان کے 16 سالہ بیٹے عبدالرحیم اور انکے سالے کے 19 سالہ بیٹے شہزاد بذریعہ موٹر سائیکل مالیگاؤں آئے تھے اور اسی دوران وہ حادثہ کا شکار ہوگئے ۔موٹر سائیکل کی شناخت ہوجانے کے بعد ندی میں ڈوبنے والے بچوں کی شناخت بھی کرلی گئی ہیں لیکن تقریباً پانچ گھنٹے مکمل ہورہے ہیں اور اب بھی ندی میں ڈوبے دونوں بچوں کی تلاش جاری ہے ۔عبدالرحیم ناظم پٹھان دسویں جماعت میں زیر تعلیم تھا ۔جبکہ اس کا رشتہ دار شہزاد ذاکر شیخ کی عمر 19 سال ساکن گالنہ بتایا گیا ۔

خیال رہے کہ آج دوپہر تقریبا دو سے ڈھائی بجے کے درمیان میں دو نوجوان بذریعہ موٹر سائیکل شری رام نگر میں موسم ندی پر واقع فرشی پل سے گزر رہے تھے کے اسی دوران مخالف سمت سے آرہی ٹرک دیکھ کر موٹر سائیکل سوار نے بریک لگایا کہ اسی درمیان ان دونوں افراد کا توازن بگڑ گیا جس کے سبب دونوں افراد موٹر سائیکل سمیت پل کے نیچے گر گئے۔اس ضمن میں سوشل ورکر شفیق اینٹی کرپشن نے تفصیلات دی ۔وہیں اس حادثے کی خبر ملتے ہی فائر بریگیڈ عملہ کے انچارج سنجئے پوار اور  شکیل تیراک نے اپنی ٹیم کے ہمراہ موقع واردات پر پہونچ کر دونوں افراد کی تلاش کرنے کیلئے سرچ آپریشن شروع کردیا ہے ۔اسی کیساتھ اس کام میں قلعہ تیراک گروپ بھی سرگرم عمل ہے ۔دونوں افراد کی تلاش جاری ہے ۔یہ خبر بھی موصول ہوئی ہیں کہ پلاٹینم بجاج کمپنی کی موٹر سائیکل کا پتہ لگا لیا گیا ہے جسکا نمبر 5552 بتایا گیا ۔اس گاڑی کو رمضان ہورہا پولس انتظامیہ نے اپنے قبضے میں لیا ہے ۔