یوگی بنے دوسری مرتبہ وزیر اعلیٰ ، تقریب حلف برداری میں 2 نائب وزرائے علیٰ اور 52 وزیروں نے لیا حلف

یوگی بنے دوسری مرتبہ وزیر اعلیٰ ، تقریب حلف برداری میں 2 نائب وزرائے علیٰ اور 52 وزیروں نے لیا حلف

 اکلوتے مسلم ایم ایل اے دانش آزاد انصاری کو یوگی حکومت میں ملی مملکتی وزیر کی جگہ 

لکھنو : 25 مارچ (بیباک نیوز اپڈیٹ / ایجنسی) یوگی آدتیہ ناتھ نے آج جمعہ کو اترپردیش کے وزیر اعلیٰ کی حیثیت سے دوسری بار حلف لیا ہے ۔اترپردیش کی گورنر آنندی بین پٹیل نے یوگی آدتیہ ناتھ سمیت برجیش پاٹھک اور کیشو پرساد موریہ کو نائب وزیر اعلیٰ کا حلف دلایا۔

یوپی کی راجدھانی کے اکانا اسٹیڈیم میں منعقد ہوئی تقریب حلف برداری میں ریاست کی گورنر آنندی بین پٹیل نے16 کابینی وزراء ، 14مملکت وزراءبرائے آزادانہ چارج اور 20وزراء کو مملکتی وزیر کی حیثیت سےحلف دلایا۔تقریب میں وزیر اعظم مودی، بی جے پی صدر جے پی نڈا، وزیر داخلہ امت شاہ سمیت متعدد مرکزی وزراء، بی جے پی حکمرانی والی ریاستوں کے وزرئے اعلیٰ سمیت معروف سیاسی و سماجی شخصیات اور بی جے پی کارکنان موجود تھے۔

قابل ذکر بات یہ ہے کہ یوگی سرکار میں ایک مسلم ایم ایل اے کو بھی وزارت میں جگہ دی گئی ہے ۔تفصیلات کے مطابق دانش آزاد انصاری کو یوگی سرکار میں مملکتی امور کا وزیر بنایا گیا ہے ۔

یوگی کابینہ میں کابینی وزیر کی حیثیت سےحلف لینے والوں میں سریش کمار کھنہ، سوریہ پرتاپ شاہی،سوتنتر دیو سنگھ، بی بی رانی موریہ، لکشمی نارائن چودھری، جیویر سنگھ، دھرم پال سنگھ، نندگوپال گپتا نندی، بھوپیندر چودھری، انل راج بھر، جتن پرساد، راکیش سچان، اروند کمار شرما، یوگیندر اپادھیائے، آشیش پٹیل،سنجے نشاد کے نام شامل ہیں۔وہیں مملکت وزیر (آزادانہ چارج )کی حیثیت سے حلف لینے والو ں میں نتن اگروال،کپل دیواگروال، روندر جیسوال، سندیپ سنگھ، گلاب دیوی، گریش چندر یادو، دھرمویر پرجاپتی، اسیم ارون، جے پی ایس راٹھور، دیا شنکر سنگھ، نریندر کشیپ، دنیش پرتاپ سنگھ،ارون کمار سکسینا، دیا شنکر مشر’دیالو‘ کے نام شامل ہیں۔

اسی طرح مملکت وزراء میں مینکیشور سنگھ، دنیش کھٹک،سنجے گوڑ، بلدیو سنگھ اولکھ،اجیت پال، جسونت سینی، رام کیشو نشاد،منوہر لال منو کوری،سنجے گنگوار، برجیش سنگھ، کے پی ملک، سریش راہی، سومیندر تومر، انوپ پردھام والمیکی،پرتبھا شکلا، راکیش راٹھور گرو، رجنی تیواری،ستیش شرما، دانش آزاد انصاری، وجے لکشمی گوتم نے حلف لیا ہے۔

وہیں ستیش مہانا، رما پتی شاستری،جے پرتاپ سنگھ، شری کانت شرما، سدھارتھ ناتھ سنگھ، آشوتوش ٹنڈن، ڈاکٹر نریندر سنگھ، رام نریش اگنی ہوتری،سریش رانا، ڈاکٹر نیل کنٹھ تیواری،اشوک کٹاریا، شری رام چوہان ایسے نام ہیں جو سابقہ حکومت میں وزیر تھے لیکن اس بات انہیں یوگی کابینہ میں جگہ نہیں ملی ہے۔جبکہ گلاب دیوی اور سندیپ سنگھ کلیان سنگھ کے پوتے ہیں کو مملکتی وزیر سے مملکت وزیر( آزدانہ چارج) کے عہدے پر پرموشن دیا گیا ہے ۔