ناسک :آئے ٹی آئے کے جوائنٹ ڈائریکٹر 5 لاکھ روپے کی رشوت لیتے ہوئے رنگے ہاتھوں گرفتار
گھر کی تلاشی میں ملے کروڑوں روپے، سونے کے سکّے، سونے کے بسکٹ، زیورات اور نقدی ضبط
ناسک : 6 جنوری (بیباک نیوز اپڈیٹ) آئی ٹی آئی کے ایک جوائنٹ ڈائریکٹر انیل جادھو کو 5 لاکھ روپے کی رشوت لیتے ہوئے گرفتار کیا گیا ہے۔ ان کے گھر سے 1.61 کروڑ روپے کی جائیداد ضبط کی گئی۔ ممبئی کے رشوت ستانی کی روک تھام محکمہ کی جانب سے کی گئی کارروائی نے پورے ناسک ضلع میں ہلچل مچا دی ہے۔
شکایت کنندگان نے کورسز کی منظوری کے لیے محکمہ پیشہ ورانہ تعلیم و تربیت کو درخواست دی تھی۔ تاہم یہ الزام ہے کہ جادھو نے درخواست میں کئی غلطیاں دور کرنے کیلئے رقم کا مطالبہ کیا۔
چھاپہ میں ایک کروڑ روپے کی جائیداد ضبط کر لی گئی۔ اے سی بی نے ممبئی کے باندرہ کھیرواڑی میں سرکاری ٹیکنیکل ڈپارٹمنٹ کے علاقائی دفتر پر چھاپہ مارا۔ چھاپے کے دوران 1 کلو 572 گرام وزنی سونے کے سکے، سونے کے بسکٹ اور زیورات کے علاوہ 79 لاکھ روپے کے بے حساب اثاثے ضبط کیے گئے۔ چھاپے میں تقریباً ایک کروڑ روپے کا قیمتی سامان بھی برآمد ہوا ہے۔
اشاعتیں
0 تبصرے
bebaakweekly.blogspot.com