مہاراشٹر کے 265 پولس ملازمین اور 300 سے زائد ڈاکٹر بھی کورونا کی لپیٹ میں ، پولس ملازمین کو گھر سے کام کرنے کا حکمنامہ جاری

مہاراشٹر کے 265 پولس ملازمین اور 300 سے زائد ڈاکٹر بھی کورونا کی لپیٹ میں ، پولس ملازمین کو گھر سے کام کرنے کا حکمنامہ جاری 

وزیر داخلہ دلیپ ولسے پاٹل نے 55 سال کی عمر والے پولس ملازمین کو ورک فرام ہوم کی اجازت دی 

ممبئی : 6 جنوری (بیباک نیوز اپڈیٹ) کورونا کی پہلی اور دوسری لہر میں مہاراشٹر پولیس کے کئی ملازمین کورونا سے متاثر ہوئے۔ اب تیسری لہر کے آغاز سے ہی پولس ملزمین کورونا سے متاثر ہورہے ہیں ۔اس ضمن میں ریاستی حکومت نے مہاراشٹر پولس کے لیے بڑا فیصلہ اس لئے لیا ہے کہ کچھ ملازمین ڈیوٹی کے دوران کورونا وائرس سے متاثر پائے گئے ۔سرکار نے 55 سال کے تمام پولیس اہلکاروں کو اب گھر سے کام کرنے کا حکم دیا ہے۔ 

 وزیر داخلہ دلیپ ولسے پاٹل نے جمعرات کو میڈیا سے بات کرتے ہوئے یہ بات کہی۔ جس کے نتیجے میں اب پولیس فورس کے پاس افرادی قوت کم ہوگی۔ تاہم، ولسے پاٹل نے کہا کہ پولس فورس نے کورونا کی پچھلی لہر کے دوران نمایاں انداز میں کام کیا تھا۔

 ممبئی میں گزشتہ 24 گھنٹوں میں 71 پولیس اہلکار کورونا سے متاثر ہوئے ہیں۔ فعال پولیس مریضوں کی تعداد 265 تک پہنچ گئی ہے۔ مارچ 2020 سے اب تک 123 پولیس اہلکار کورونا کی وجہ سے جان کی بازی ہار چکے ہیں۔

 ٹاسک فورس اور محکمہ صحت کی میٹنگ بدھ کو نائب وزیر اعلیٰ اجیت پوار کی موجودگی میں بڑھتے ہوئے کورونا مریضوں کے پس منظر میں ہوئی۔ بڑھتے ہوئے انفیکشن کی وجہ سے پیدا ہونے والی صورتحال سے نمٹنے کے طریقوں پر تفصیلی بات چیت ہوئی۔ ڈاکٹروں، ہسپتال کے دیگر عملے اور پولیس ملازمین بھی پائے گئے ہیں۔جس سے تشویش پیدا ہوگئی ہے ۔ اجلاس میں اس ممکنہ خطرے کو روکنے کے لیے سخت اقدامات اٹھانے کی ضرورت پر تبادلہ خیال کیا گیا۔

  315 ڈاکٹروں کورونا متاثر 

 گزشتہ چند دنوں میں ممبئی کے مختلف اسپتالوں میں کام کرنے والے 230 ڈاکٹر کورونا سے متاثر ہوئے ہیں۔اسطرح ریاست میں کل 315 ڈاکٹر پازیٹو پائے گئے ہیں ۔ممبئی میں پائے جانے والے ڈاکٹروں میں جے جے ہسپتال میں 51، تلک اسپتال - لوک مانیہ تلک اسپتال - 35، کے ای ایم - 40، نیر اسپتال - 35 رہائشی ڈاکٹر۔ انتظامیہ کی تشویش میں اضافہ ہو گیا ہے جس سے ڈاکٹرز تیزی سے کورونا سے متاثر ہو رہے ہیں۔