چند دنوں میں دنیا صدی کے سب سے طویل چاند گرہن کا نظارہ دیکھے گی ، ہندوستان کے اس حصے سے نظر آئے گا چاند گرہن

چند دنوں میں دنیا صدی کے سب سے طویل چاند گہن کا نظارہ دیکھے گی ، ہندوستان کے اس حصے سے نظر آئے گا چاند گہن 

نئی دہلی : 6 نومبر (بیباک نیوز اپڈیٹ) ماہرین فلکیات کے مطابق دنیا بھر کے لوگ اس ماہ صدی کا طویل ترین چاند گہن (چاند گرہن 2021) دیکھیں گے۔ آج سے دو ہفتے بعد یعنی 19 نومبر (کارتک پورنیما) کو زمین سورج اور چاند کے درمیان سے گزرے گی جس سے چاند کی سطح پر سایہ پڑے گا ۔ ناسا نے کہا کہ مکمل چاند گہن دوپہر 1:30 بجے کے بعد ہوگا۔ اس فلکیاتی نظارہ کے دوران چاند سرخ ہو جائے گا۔ چاند گہن 2021 ہندوستان کے کچھ حصوں میں دیکھا جائے گا۔

 بھارت میں اس مقام پر چاند گہن دیکھا جائے گا

 چاند گہن صرف وہاں دیکھا جا سکتا ہے جہاں چاند افق سے اوپر ہو۔ ہندوستان کی شمال مشرقی ریاستوں بشمول آسام اور اروناچل پردیش کے لوگ فلکیاتی واقعات چاند گہن کو دیکھ سکتے ہیں۔اس کے علاوہ چاند گہن 2021 کو شمالی امریکہ کے لوگ اچھی طرح سے دیکھ سکیں گے۔ ریاست ہائے متحدہ اور میکسیکو کی تمام 50 ریاستوں میں رہنے والے لوگ اسے دیکھ سکتے ہیں۔ چاند گہن آسٹریلیا، مشرقی ایشیا، شمالی یورپ اور بحرالکاہل میں بھی دیکھا جائے گا۔

 

 صدی کا سب سے طویل چاند گہن

 ناسا کے مطابق جزوی چاند گہن 3 گھنٹے 28 منٹ اور 23 سیکنڈ تک جاری رہے گا۔ جو کہ 2001 اور 2100 کے درمیان کسی بھی دوسرے چاند گہن کے مقابلے میں سب سے طویل دورانیہ ہوگا۔ ناسا نے کہا کہ 21ویں صدی میں زمین پر کل 228 چاند گہن ہوں گے۔زیادہ امکان ہے کہ ایک مہینے میں دو چاند گہن ہوں گے اور کبھی کبھی تین گہن بھی رونما ہونگے ۔