ایم ڈی ایف کے پروگرام میں شکیل تیراک کو عمرہ کی سعادت کا اعلان : عرفان صدیقی آئی ایس پلازہ

ایم ڈی ایف کے پروگرام میں شکیل تیراک کو عمرہ کی سعادت کا اعلان : عرفان صدیقی آئی ایس پلازہ 

مالیگاؤں ڈیولپمنٹ فرنٹ شکیل تیراک کو صدر جمہوریہ ایواڈ دلانے کیلئے کوشاں 

ایم ڈی ایف کی جانب سے شکیل تیراک کی خدمت میں سوئمنگ کٹ, ٹرافی اور سپاس نامے پیش 

مالیگاؤں (پریس ریلیز) مالیگاؤں ڈیولپمنٹ فرنٹ کے زیر اہتمام شہر کی معروف شخصیت فائر فائٹر شکیل تیراک کی بے لوث خدمات کا اعتراف اور اعزازیہ تقریب 3 اکتوبر 2021 بروز اتوار رات میں نو بجے آئی ایس پلازہ بھکو چوک میں عمل میں آئی۔

اس تقریب میں صاحب اعزاز شکیل تیراک کا مالیگاؤں ڈیولپمنٹ فرنٹ کے نوجوان، نصر فاؤنڈیشن اور شہید عبدالحمید فاؤنڈیشن کے ذمہ داران اور دیگر سماجی و فلاحی تنظیموں کی جانب سے استقبال کیا گیا. اس موقع پر ایم ڈی ایف کی جانب سے شکیل تیراک کو سوئمنگ کٹ بطور تحفہ پیش کی گئی ساتھ ہی ایک خوبصورت ٹرافی باعزاز و اعتراف خدمات پیش کی گئی. اسی طرح سے شکیل تیراک کی خدمت میں اعجاز شاہین اور عرفان صدیقی نے سپاش نامے پیش کئے. 

اس اعزازیہ تقریب کی صدارت معروف تعلیمی,سماجی و سیاسی شخصیت جمیل کرانتی نے نبھائی. اس پروگرام میں بطور مہمانان خصوصی جمیل احمد ریٹائرڈ ٹیچر, حاجی ہارون بابا, عرفان صدیقی, اسامہ اعظمی, اعجاز شاہین, ببو ماسٹر اور احتشام شیخ بیکری والا موجود تھے. پروگرام کا آغاز اعجاز شاہین نے قرآن مجید کی تلاوت فرما کر کیا. اس پروگرام کے اغراض و مقاصد قاری رئیس عثمانی, نظامت کے فرائض ایم ڈی ایف کے نائب صدر و معروف ناظم مشاعرہ عمران راشد اور رسم شکریہ صابر ماسٹر موبائل والے نے ادا کئے 

اس موقع پر مالیگاؤں ڈیولپمنٹ فرنٹ کے صدر احتشام شیخ بیکری والا نے بتایا کہ شکیل تیراک کو صدر جمہوریہ ایواڈ ملے اس کی کوشش ایم ڈی ایف روز اول سے کر رہی ہے کیونکہ موصوف نے ابتک ہزاروں لوگوں کی لاشوں اور سینکڑوں افراد کی جان مختلف حادثات سے بچائی ہے. شکیل تیراک اپنی جان ہتھیلی پر رکھ کر ندی نالوں, دریا تالابوں اور کنوؤں میں پھنسی و گمشدہ لاشوں کو بھی ڈھونڈ نکالنے کا کارنامہ کئی بار انجام دے چکے ہیں. انھوں نے کہا کہ شکیل تیراک کی خدمات کو فراموش نہیں کیا جاسکتا ہے.

عرفان صدیقی آئی ایس پلازہ نے اس موقع پر یہ اعلان کیا کہ وہ شکیل تیراک کو اپنے خرچ سے حلال کمائی سے عمرہ کا ٹکٹ دیں گے. انھوں نے کہا کہ وہ شکیل تیراک کا پورا خرچ اٹھائیں گے اور اگر کوئی تنظیم یا فرد اس کار خیر میں حصہ لیتا ہے تو ان کی بیوی کو بھی عمرہ کی سعادت کروا سکتے ہیں. انھوں نے کہا کہ شکیل تیراک نے تو شہر پر کئی بار احسان کیا ہے اور ان کو عمرہ کروانا ہمارے لئے فخر کی بات ہوگی. اگر کوئی فلاحی, سماجی و سیاسی تنظیمیں اس کار خیر میں امداد کرنا چاہتی ہے تو عرفان صدیقی سے رابطہ قائم کریں.

پروگرام کے صدر جمیل کرنتی نے خطبہ صدارت میں شکیل تیراک کی خداداد صلاحیتوں کا اعتراف کیا. انھوں نے کہا شکیل تیراک کی بے لوث خدمات کسی ایوارڈ کی محتاج نہیں ہے. انھوں نے بلا تفریق مذہب و ملت لوگوں کی جان بچانے کا کام کیا ہے جس کا انعام اللہ تعالٰی آخرت میں عطا فرمائے گا۔ شکیل تیراک وہ شخص ہے جو اپنی جان جوکھم میں ڈال کر موت کو شکست دیتا ہے اور زندگی بچانے کا کام کرتا ہے ایسے شخص کی حوصلہ افزائی اور خدمات کا اعتراف کیا جانا چاہئے. 

اس موقع پر صاحب اعزاز شکیل تیراک نے اس بات کا اظہار کیا کہ انھیں شہر کے عوام کا ہمیشہ بہت پیار ملا, لوگوں کی دعائیں اور عزت ملتی رہی ہیں وہ ان کیلئے کسی بھی ایوارڈ سے کم نہیں ہے. انھوں نے کہا کہ شہر کو مزید شکیل تیراک چاہئے جس کیلئے ایم ڈی ایف سوئمنگ کلاسیس کی شروعات کر رہی ہے جس میں وہ خود بچوں کو تیراکی کا ہنر سکھائیں گے. شکیل تیراک نے مالیگاؤں ڈیولپمنٹ فرنٹ کے نوجوانوں کا خصوصی طور پر شکریہ ادا کیا. 

اس اعزازیہ تقریب میں مالیگاؤں ڈیولپمنٹ فرنٹ کے نوجوانوں میں احتشام شیخ, عمران راشد, صابر ماسٹر, اسامہ اعظمی, ابوذر غفاری, وسیم موسی, ایس این انصاری, اکبر علی, آصف انصاری, فیضان احمد, ببو ماسٹر, رضوان بلڈر، ظہیر بھائی نصر فاؤنڈیشن سے شعبان شاہ, جمال ناصر, رضوان ماسٹر, شہید عبدالحمید فاؤنڈیشن سے خالد سرحدی, عارف خان, سلیم ساحل, فیاض افسر, شبیر امیتابھ،ابراہیم ویلکم ماسٹر اور دیگر شہر کی معروف سرکردہ شخصیات موجود تھیں.