انیس احمد عرف انّا کا نیا اسلامپورہ میں قتل ، دو دنوں میں دو قتل کی واردات، پولس انتظامیہ و شہریان کیلئے لمحہ فکریہ ‏

انیس احمد عرف انّا کا نیا اسلامپورہ میں قتل ، دو دنوں میں دو قتل کی واردات، پولس انتظامیہ و شہریان کیلئے لمحہ فکریہ 

مالیگاؤں:29 جولائی (بیباک نیوز اپڈیٹ) نیااسلامپورہ سروے نمبر 42 کالے کھیت کے پاس بالے ہوٹل کے قریب انیس احمد سعید احمد عرف انیس انّا کا قتل کردیا گیا ہے ۔ملی تفصیلات کے مطابق نامعلوم افراد نے چاقو سے پے در پے وار کر قتل کی واردات کو انجام دی ، متوفی 32 سالہ انیس احمد عرف انّا ساکن نیا اسلامپورہ شہر کی مشہور صنعتی شخصیت مختار مرغا کے پوتے بتائے گئے ہیں۔ جس وقت قتل کی واردات انجام دی گئی اس وقت انیس احمد ہوٹل پر بیٹھے ہوئے تھے۔ معلوم ہوکہ مقتول کی ایک بیٹی بھی ہے ۔ تادم تحریر عائشہ نگر پولس قتل کا مقدمہ درج کرنے و  قتل کی واردات کو انجام دینے والے افراد کی تلاش میں لگی ہوئی ہے ۔وہیں متوفی انیس احمد کی سول اسپتال میں پوسٹ مارٹم و دیگر قانونی کارروائی جاری ہے ۔ خیال رہے کہ ابھی کل ہی  ملن ہوٹل کے پاس ایک قتل کی واردات پیش آئی تھی جس میں پان دکان چلانے والے نوجوان کا بے رحمی سے قتل کردیا گیا  ۔ شہر میں 2 دنوں میں 2 قتل کی واردات سے سراسمیگی کا ماحول پیدا ہوگیا ہے ۔مزید تفتیش پولس کررہی ہیں کہ آیا قتل کیوں اور کس نے کیا؟ ۔پولس انتظامیہ کے ساتھ ساتھ شہریان کیلئے بڑی فکر کی بات ہے کہ شہر میں جرائم پیشہ افراد کے حوصلے بلند ہو رہے ہیں ۔جرائم کی روک تھام کیلئے پولس انتظامیہ اور سرکردہ افراد کو آگے آنا ہوگا ۔