اننت بھونسلے مالیگاؤں شہر ضلع راشٹروادی کانگریس پارٹی کے ایگزیکٹو صدر، رہاض علی سیوا دل کے صدر اور شفیق انصاری ایگزیکٹو صدر نامزد
شہری سطح پر دو اہم ایگزیکٹو صدر کے عہدوں پر نامزدگی کا عمل باقی، نوجوانوں سے رابطہ تیز
رابطہ وزیر چھگن بھجبل کی سرپرستی میں شہر راشٹروادی کانگریس پارٹی کو مضبوط بنانے مالیگاؤں میں شیخ آصف کی جدوجہد جاری جاری
مالیگاؤں : 21 جون (بیباک نیوز اپڈیٹ) راشٹروادی کانگریس پارٹی میں عہدوں اور ذمہ داریوں کی تقسیم کا آغاز مالیگاؤں شہر ضلع راشٹروادی کانگریس پارٹی کے صدر آصف شیخ رشید نے جاری کردیا ہے ۔اس ضمن میں موصول تفصیلات کے مطابق راشٹروادی کانگریس پارٹی ہائی کمان نے مالیگاؤں شہر کی صدارت کے بعد مقامی باڈی کی تشکیل کیلئے کارروائی تیز کردی ہیں ۔مقامی صدر شیخ آصف کی قیادت میں مالیگاؤں شہر ضلع راشٹروادی کانگریس پارٹی کے ایگزیکٹو صدر کے عہدہ پر آننت بھیکا بھونسلے کو راشٹروادی کانگریس کے ریاستی صدر جنیت پاٹل نے نامزد کیا ہے ۔اسطرح کی پریس ریلیز مالیگاؤں شہر ضلع راشٹروادی کانگریس پارٹی کے صدر آصف شیخ نے جاری کی ہے ۔موصوف نے کہا کہ اسکے علاوہ راشٹروادی کانگریس پارٹی کے سیوا دل کے ریاستی صدر دیپک مانکر نے سیوا دل کے عہدہ صدارت پر ریاض علی یوسف علی کو نامزد کیا ہے ۔ جبکہ سیوا دل کے ایگزیکٹو صدر کے لئے انصاری شفیق احمد وکیل احمد کو نامزد کیا گیا ہے ۔ یہ تمام عہدوں کے لئے ریاستی وزیر چھگن بھجبل کی سرپرستی میں مالیگاؤں سے شیخ آصف کی قیادت میں کی جدوجہد شامل رہی ہیں ۔اس موقع پر شیخ آصف نے کہا کہ شہر بھر میں کام کرنے اور عوامی خدمات کا جذبہ رکھنے والے نوجوانوں کو عہدے تقسیم کئے جارہے ہیں ابھی بھی شہری سطح کے دو اہم ایگزیکٹو کے صدر کے عہدوں پر نامزدگی کا مرحلہ باقی ہے ۔جو نوجوان عوامی و فلاحی کاموں کا جذبہ رکھتے ہیں انہیں اپنی صلاحیتوں کے استعمال کرنے کا موقع راشٹروادی کانگریس بھون سے دیا جارہا ہے ۔عہدوں کی تقسیم کا سلسلہ جاری ہے ناسک ضلع پالک منتری چھگن بھجبل کی سرپرستی اور مقامی صدر شیخ آصف کی قیادت میں عہدوں کی تقسیم جاری ہے ۔
اشاعتیں
0 تبصرے
bebaakweekly.blogspot.com