ٹو وہیلرس چوری کے الزام میں دو افراد گرفتار، 12 موٹر سائیکل برآمد، عوام اپنی گاڑیوں کی حفاظت کریں اور پولس کو شکایت دیں:ایڈیشنل ایس پی کھانڈوی ‏

ٹو وہیلرس چوری کے الزام میں دو افراد گرفتار، 12 موٹر سائیکل برآمد، عوام اپنی گاڑیوں کی حفاظت کریں اور پولس کو شکایت دیں:ایڈیشنل ایس پی کھانڈوی 

مالیگاؤں: 2 نومبر (بیباک نیوز اپڈیٹ) کیمپ پولس نے شہر اور اطراف سے دو پہیہ سواری چوری کرنے کے الزام میں دو ملزمان کو گرفتار کرلیا ہے اور ان کے قبضے سے 2 لاکھ 95 ہزار روپے مالیت کی 12 ٹو وہیلرس کو قبضہ میں لیا گیا ہے۔ دونوں ملزمان کو تین دن کے لئے پولس تحویل میں بھیج دیا گیا ہے۔

سپرنٹنڈنٹ پولیس سچن پاٹل اور ایڈیشنل سپرنٹنڈنٹ پولس چندرکانت کھنڈوی کی رہنمائی میں ، ڈپٹی سپرنٹنڈنٹ پولس منگیش چوہان ، رامیشور گھگے ، پولس نائک واگھ ، نتن بارہٹے ، سندیپ راٹھوڑ ، واسودیو نیر پاگر اور سنجے پاٹل انسپکٹر پروین کمار وڈائل کی ٹیم نے اس طرح کی کارروائی کی ۔ اطلاع کے مطابق ملزمان راکیش سنجے کولی (23) اومکار کالونی ، ایودھیا نگر اور دیوی کے ملہ کے امجد فقیرا شیخ (24) کو گرفتار کیا گیا۔ جب ان سے پوچھ گچھ کی گئی تو انہوں نے مالیگاؤں شہر میں مختلف جگہوں سے دو پہیئوں کی چوری کرنے کا اعتراف کیا۔ ملزمان کے ذریعہ چوری شدہ ٹو وہیلرس کو شیرپور کے جتوڈا ، پڑودا میں فروخت کیا گیا تھا ۔ان میں سے چوری کے تین مقدمات چھاؤنی پولس اسٹیشن اور دو مقدمات کیمپ پولس اسٹیشن میں درج کیے گئے ہیں ۔ایڈیشنل سپرنٹنڈنٹ پولس کھانڈوی نے بتایا کہ باقی دو گاڑیوں کے متعلق  تفتیش جاری ہے۔ ایڈیشنل سپرنٹنڈنٹ پولس کھانڈوی نے گاڑی مالکان سے اپیل کی ہے کہ وہ اپنی گاڑیاں محفوظ جگہ پر کھڑی کریں اور گاڑیوں کی حفاظت کی ذمہ داری لیں اور ٹو وہیلرس کے چوری ہوجانے کی صورت میں متعلقہ پولس اسٹیشن میں باضابطہ مقدمہ درج کیا جائے۔

                  (Advertisement)