مرحوم شیخ رشید کی 'سوانح حیات خدمت' خلق کا جمعہ کو ڈائمنڈ لانس میں اجراء، پریس کانفرنس سے مخطابت

مرحوم شیخ رشید کی 'سوانح حیات خدمت' خلق کا جمعہ کو ڈائمنڈ لانس میں اجراء، پریس کانفرنس سے مخطابت 

مرحوم شیخ رشید کاخاندانی پس منظر، شیخ رشید کی کہانی خود انکی زبانی، پاور لوم مزدور سے سیاست کی دہلیز تک ،تحریک عدم اعتماد کا ڈرامائی موڑ، پاور لوم صنعت کا ہمدرد جیسے دلچسپ تحریکی واقعات کتاب میں شامل 

 

مالیگاؤں : 2 دسمبر (بیباک نیوز اپڈیٹ) مالیگاؤں شہر کے سابق رکن اسمبلی و سابق میئر، مزدوروں و غریبوں کے مسیحا، تعمیر و ترقی پسند لیڈر مرحوم شیخ رشید کی برسی کے موقع پر شیخ عبد القادر ایجوکیشن ویلفیئر سوسائٹی کے زیر اہتمام ایک پروگرام بعنوان تقریب اجراء برائے سوانح حیات شیخ رشید کا انعقاد جمعہ پانچ دسمبر کو رات 8 سے 10 بجے تک ڈائمنڈ لانس میں کیا جارہا ہے۔شیخ رشید صاحب چار دسمبر 2023 کو اس دار فانی سے دار بقاء کی سمت کوچ کر اللہ تعالیٰ کی جوار رحمت میں چلے گئے ۔مرحوم نے اپنی حیاتی میں جو نیک و فلاحی کام انجام دیئے ہیں انکی یادیں آج بھی تازہ ہے ۔مرحوم غریبوں کے مسیحا اور مزدوروں کے ہمدرد و شہر کی تعمیر و ترقی کے اولین رہنماؤں میں شمار ہوتے تھے ۔انکی ہی مرہون منت شہر میں آج تعمیر و ترقی کا سلسلہ جاری ہے۔ شیخ رشید کے انہیں نیک کاموں اور سیاسی و سماجی خدمات کو نسل نو تک پہنچانے کیلئے انکی زندگی پر مبنی کتاب 'سوانح حیات خدمت خلق' کا اجراء انکے برادر اکبر حاجی شیخ رفیق کے دست مبارک سے ڈائمنڈ لانس میں کیا جارہا ہے ۔اس طرح کی تفصیلات شیخ عبد القادر ایجوکیشن ویلفیئر سوسائٹی کی جانب سے منعقدہ پریس کانفرنس سے صابر گوہر، عتیق سر وغیرہ نے دی ۔انہوں نے بتایا کہ مرحوم شیخ رشید کی مالیگاؤں آمد، انکا خاندانی پس منظر، شیخ رشید کی کہانی خود انکی زبانی، پاور لوم مزدور سے سیاست کی دہلیز تک ،تحریک عدم اعتماد کا ڈرامائی موڑ، شیخ عبدالقادر امدادی دواخانہ، پاور لوم صنعت کا ہمدرد، مزدوری، چوڑی کا کاروبار، سماجی خدمات اور سیات میں انٹری اور کونسلر بننے کے سفر اور شیخ رشید کے دوستوں کی باتیں، مالیگاؤں کی سیاسی تاریخ کے اعداد و شمار جیسے واقعات پر مبنی کتاب کا اجراء بطور حصہ اول کیا جارہا ہے ۔پریس ریلیز کے مطابق شیخ رشید کی برسی کے موقع پر منعقد ہونے والے پروگرام تقریب اجراء میں شہر کی معزز شخصیات کے علاوہ سیاسی و سماجی اور تعلیمی شخصیات شرکت کریگی ۔عوام الناس بالخصوص شیخ رشید صاحب کے تمام ہمدردوں، دوستوں اور خانوادہ شیخ رشید حاجی شیخ شفیع سے دلی لگاؤ رکھنے والوں سے شرکت کی پرخلوص درخواست شیخ عبد القادر ایجوکیشن ویلفیئر سوسائٹی کے ذمہ داران نے کی ہے ۔