'شالارتھ آئی ڈی' کیلئے رشوت کا مطالبہ، ڈی وائے ڈی آفس میں چھاپہ، ایک لاکھ روپے رشوت طلب کرتے ہوئے ایجوکیشن آفیسر گرفتار

'شالارتھ آئی ڈی' کیلئے رشوت کا مطالبہ، DYD آفس میں چھاپہ 

ایک لاکھ روپے رشوت طلب کرتے ہوئے ایجوکیشن آفیسر گرفتار 

پونہ : 26 نومبر (بیباک نیوز اپڈیٹ) سیکنڈری اسکول میں ایک خاتون ٹیچر 2016 سے بغیر تنخواہ کے کام کر رہی ہے۔ اس کی شالارتھ آئی ڈی منظور ہونے کے بعد اسے تنخواہ ملنا شروع ہو جانی تھی۔ پونے میں ڈپٹی ڈائرکٹر آف ایجوکیشن کے دفتر میں سب انسپکٹر راؤ صاحب مرگنے (عمر 57) نے اسے شالارتھ آئی ڈی فراہم کرنے کے لیے ایک لاکھ روپے کی رشوت طلب کی ۔اپنے دفتر میں رقم قبول کرتے ہوئے، اسے دفتر میں ہی پونے اینٹی کرپشن اسکواڈ نے رنگے ہاتھوں اسے گرفتار کر لیا گیا ہے اور اسے آج عدالت میں پیش کیا جائے گا۔ مرگنے جن کی ریٹائرمنٹ میں صرف ایک سال باقی رہ گیا ہے، رشوت ستانی کے جال میں پھنس گیا ہے۔تفصیلات کے مطابق شکایت کنندہ کی بیوی کی جانب سے شالارتھ آئی ڈی کی تجویز 16 جون کو ایجوکیشن آفیسر کے ذریعے پونے ڈویژنل ڈپٹی ڈائریکٹر آف ایجوکیشن کے دفتر کو بھیجی گئی۔ ای آفس سسٹم کے ذریعے اس تجویز کو ڈویژنل ڈپٹی ڈائریکٹر آف ایجوکیشن کو پیش کرنے اور اسے منظور کروانے کے لیے، ڈپٹی ڈائریکٹر آفس راؤ صاحب مرگنے نے متعلقہ ٹیچر سے رشوت طلب کی تھی۔ 17 نومبر کو رقم کا مطالبہ کیا گیا جس کے بعد 21 نومبر کو سمجھوتے کے بعد ایک لاکھ روپے دینے کا فیصلہ ہوا۔ٹیچر کے شوہر نے اس سلسلے میں پونے میں اینٹی کرپشن بیورو کے دفتر میں شکایت درج کرائی۔ اس کے مطابق، اہلکاروں نے رشوت کی مانگ کی تصدیق کی۔ جمعہ کو مانگی گئی رشوت  منگل کو ادا کرنے کا فیصلہ کیا گیا۔ اسی مناسبت سے اینٹی کرپشن افسران نے وہاں جال بچھا دیا تھا۔ مرگنے اس میں رنگے ہاتھوں پکڑے گئے۔ پولیس نے اسے رنگے ہاتھوں پکڑ کر گرفتار کر لیا۔

رشوت کی رقم دفتر میں ہی قبول کی گئی۔

ایجوکیشن سب انسپکٹر راؤصاحب میرگنے کے خلاف بنڈگارڈن پولیس اسٹیشن میں انسداد بدعنوانی ایکٹ کے تحت مقدمہ درج کیا گیا ہے۔ دوسری ٹیم نے اس کے گھر کی تلاشی لی۔ یہ بھی کہا گیا کہ اس وقت بہت سی چیزیں ملی تھیں جسکی جانچ جاری ہے۔