پندرہ سو سالہ جشن عید میلاد النبی کے موقع پر پورے شہر کو سجایا، سنوارا اور جگمگایا جائے

پندرہ سو سالہ جشن عید میلاد النبی  کے موقع پر پورے شہر کو سجایا، سنوارا اور جگمگایا جائے  

لائٹ، روڈ اور صفائی سمیت بنیادی سہولیات قبل از وقت فراہم کرنے اور وبائی امراض کی روک تھام کرنے کا مطالبہ 

آصف شیخ و رضوان میمن کی قیادت میں I.S.L.A.M پارٹی و مائناریٹی و اوقاف سیل کی کمشنر سے ملاقات 

مالیگاؤں : 5 اگست (بیباک نیوز اپڈیٹ) اس سال حضرت محمد صلی اللہ علیہ وسلم کی ولادت  مبارکہ کے 1500 ویں یومِ مقدسہ کے پیش نظر مالیگاؤں شہر میں ضروری عوامی و بنیادی سہولیات کی فراہمی کی جائے ۔ہر سال کی طرح کی طرح اس سال بھی "جشن عید میلاد النبی ص۔" 5 ستمبر 2025 کو مالیگاؤں سمیت ملک و دنیا بھر میں جشن کیساتھ منایا جائے گا۔ ’’رحمۃ للعالمین‘‘ کا مطلب ہے وہ قیادت جو پوری دنیا کے لیے رحمت، ہمدردی اور مساوات لے کر آئی۔ پیغمبر اسلام حضرت محمد صلی اللہ علیہ وسلم کی اس دنیا میں تشریف آوری کا 1500 واں سال مکمل ہونے کے موقع پر عید میلاد النبی صلی اللہ علیہ وسلم کا فیسٹیول انتہائی جوش و خروش اور عقیدت کے ساتھ منانے کا فیصلہ کیا گیا ہے۔ اس دن پورا شہر پرجوش و اپنے مذہبی تشخص کیساتھ جشن عید میلاد النبی صل اللہ علیہ وسلم منانے کیلئے تیار ہیں۔ اس لیے ہم انڈین سیکولر لارجیسٹ اسمبلی آف مہاراشٹرا I.S.L.A.M پارٹی کے مائناریٹی و اوقاف سیل کی جانب سے مطالبہ کرتے ہیں کہ مالیگاؤں شہر میں عوامی و بنیادی سہولیات کا بروقت  انتظام کیا جائے۔اس طرح کا مطالبہ آج مالیگاؤں میونسپل کارپوریشن کے کمشنر رویندر جادھو سے سابق رکن اسمبلی آصف شیخ رشید کی قیادت میں انڈین سیکولر پارٹی کے مائناریٹی و اوقاف کے صدر رضوان میمن نے وفد کیساتھ ملاقات کر کیا ۔ آصف شیخ و رضوان میمن نے کمشنر کو میمورنڈم پیش کرتے ہوئے کہا کہ 1) شہر میں جلوس کے لیے بنائے گئے مرکزی راستوں پر روشنی کے لیے زیادہ سے زیادہ انتظامات کئے جائیں۔ نیز محکمہ بجلی کو سڑکوں پر موجود ناقص اسٹریٹ لائٹس کو بروقت ٹھیک کرنے کا حکم دیا جائے۔2) صفائی  ڈپارٹمنٹ کو حکم دیا جائے کہ وہ جلوس کے راستے کے ساتھ پورے شہر میں صفائی برقرار رکھے، اور دھول مٹی اور گندگی اور کچرا صاف کرے۔3) جراثیم کش ادویات/کیڑے مار ادویات کا چھڑکاؤ بہت ضروری ہے، خاص طور پر عوامی اور جلوس کے راستوں پر، اس لیے محکمہ ملیریا کو احکامات دیے جائیں۔4) محکمہ تعمیرات کو فوری طور پر خراب سڑکوں کی مرمت اور نئی سڑکوں کی تعمیر کا حکم دیا جائے اور اس بات کو یقینی بنانے کے لیے زیر زمین (انڈر گراؤنڈ گٹر) کے کام کو فی الحال روک دیا جائے کہ جلوس کے راستے پر کوئی بڑا/چھوٹا گڑھا نہ ہو۔ آصف شیخ و مائناریٹی اوقاف سیل کے صدر رضوان میمن نے کمشنر سے یہ بھی مطالبہ کیا ہے کہ مذکورہ تمام ضروری کاموں کو 3 ستمبر 2025 سے پہلے مکمل کر لیا جائے اور اس کام کے لیے تمام متعلقہ محکموں کو خصوصی و سخت احکامات جاری کیے جائیں۔تاکہ پانچ ستمبر کو یوم جشن عید میلاد النبی کے موقع پر کوئی پریشانی نہ درپیش آئے، بلکہ پورا شہر روشن و چمکدار اور جگمگاتا ہوا نظر آئے ۔اس موقع پر آصف شیخ رشید کے علاوہ نوید خطیب ،شکیل جانی بیگ، مائناریٹی و اوقاف سیل کے صدر رضوان میمن، کارگزار صدور میں مولانا صفوان انصاری،مولانا اسماعیل جمالی،حافظ عمر،شیخ احمد منا و مائناریٹی سیل سمیت انڈین سیکولر لارجیسٹ اسمبلی آف مہاراشٹرا کے ذمہ داران موجود تھے۔