کرکٹر محمد سراج کو ڈپٹی سپرنٹنڈنٹ آف پولس کا عہدہ تفویض ، وزیر اعلیٰ ریونت ریڈی کا اعلان پورا

کرکٹر محمد سراج کو ڈپٹی سپرنٹنڈنٹ آف پولس کا عہدہ تفویض ، وزیر اعلیٰ ریونت ریڈی کا اعلان پورا 

تلنگانہ : 12 اکتوبر (بیباک نیوز اپڈیٹ) ہندوستانی کرکٹر محمد سراج نے جمعہ کو تلنگانہ کے ڈائریکٹر جنرل آف پولیس (ڈی جی پی) کو رپورٹ کرنے کے بعد باضابطہ طور پر ڈپٹی سپرنٹنڈنٹ آف پولیس (ڈی ایس پی) کا عہدہ سنبھال لیا۔

 محمد سراج کے ہمراہ ایم پی ایم انیل کمار یادو اور TGMREIS کے صدر محمد فہیم الدین قریشی موجود تھے۔وزیر اعلیٰ ریونت ریڈی نے پہلے اعلان کیا تھا کہ ہندوستانی تیز گیند باز سراج کو گروپ 1 کی باوقار سرکاری نوکری ملے گی۔ اس پر محمد سراج نے آج ڈیوٹی جوائن کر لی۔ 

 وہ ہندوستان کی ٹوئنٹی 20 ورلڈ کپ جیتنے والی ٹیم کے رکن تھے۔  30 سالہ سراج نے 29 ٹیسٹ، 44 ون ڈے اور 16 ٹوئنٹی 20 میچوں میں ہندوستان کی نمائندگی کرتے ہوئے 163 بین الاقوامی وکٹیں حاصل کی ہیں۔ٹیسٹ (6-15) اور ون ڈے (6-21) فارمیٹس میں چھ وکٹیں ان کی ذاتی بہترین کارکردگی ہیں۔

 حیدرآباد سے آٹو رکشہ چلانے والے کے بیٹے کا ہندوستانی ٹیم تک کا سفر حیران کن ہے۔ اس نے ساتویں جماعت سے کرکٹ کھیلنا شروع کیا تھا۔ انہوں نے 2015 میں اپنی بولنگ کی شروعات کی اور 2017 میں انہیں انڈین پریمیئر لیگ میں 2.6 کروڑ کا معاہدہ ملا۔رائل چیلنجرز بنگلور نے انہیں سائن کیا۔ایک ماہ کے اندر، انہوں نے نیوزی لینڈ کے خلاف ٹوئنٹی 20 کرکٹ میں ہندوستان کے لیے اپنا کردار ادا کیا۔