خواتین پولس سمیت چار پولس ملازمین نوکری سے معطل، وردی میں ڈانس کرنے کا ویڈیو وائرل

خواتین پولس سمیت چار پولس ملازمین نوکری سے معطل، وردی میں ڈانس کرنے کا ویڈیو وائرل 

ناگپور: 21 اگست (بیباک نیوز اپڈیٹ) ناگپور میں پولیس کے ڈانس کرنے کا ویڈیو وائرل ہورہا ہے ۔ پولیس پر وردی میں رقص کرنے کا الزام ہے اور ان کے خلاف معطلی کی کارروائی کی گئی ہے۔ناگپور کے تحصیل پولس اسٹیشن میں ملازمین کا گانا گاتے اور ناچتے ہوئے ویڈیو وائرل ہوا۔ ویڈیو میں دو خواتین پولیس کانسٹیبل اور ایک پولیس اہلکار رقص کرتے نظر آ رہے ہیں۔

 ویڈیو میں پولیس اہلکار یوم آزادی کی خوشی میں رقص کرتے نظر آ رہے ہیں۔ تحصیل تھانہ میں 15 اگست کو یوم آزادی کے حوالے سے پروگرام کا انعقاد کیا گیا۔پروگرام کے بعد چار پولیس اہلکاروں نے 'چھوڑا گنگا کیرن والا' گانے پر رقص کیا۔ اس ڈانس کی ویڈیو فوری طور پر سوشل میڈیا پر وائرل ہوگئی۔

پولس اسٹیشن کے احاطے میں وردی میں رقص کرنے کے معاملے میں سب طرف موضوع بحث ہوگئی ہیں اور ان کے خلاف کارروائی شروع کر دی گئی۔چار پولیس اہلکاروں کے خلاف معطلی کی کارروائی کی گئی ہے۔ 2 خواتین سمیت 4 پولیس اہلکاروں کو ان قوانین کا حوالہ دیتے ہوئے معطل کر دیا گیا ہے جو پولیس اہلکاروں کو وردی میں ڈانس کرنے سے منع کرتے ہیں۔تقریب کے بعد پولیس نے کچھ ذہنی تناؤ کم کرنے کے لیے رقص کیا۔ تاہم کئی ملازمین نے کہا ہے کہ اس سلسلے میں معطلی کی کارروائی کرنا ناانصافی ہے۔