ہیڈ ماسٹر اور سپاہی 5000 روپے رشوت لیتے ہوئے رنگے ہاتھوں گرفتار ، اسکول احاطہ میں اے سی بی کی کارروائی
ناسک:14 اگست (بیباک نیوز اپڈیٹ): اینٹی کرپشن بیورو کی جانب سے موصول اطلاع کے مطابق رشوت خور ہیڈ ماسٹر سنیل وسنت پاٹل (54) اور سپاہی بالو ہیرامن نکم (55) کو 5000 روپے رشوت لیتے ہوئے گرفتار کر لیا گیا ہے ۔
تفصیلات کے مطابق رام نگر میں جاری پرائمری آشرم اسکول کے ہیڈ ماسٹر پاٹل نے 31 جولائی کو رشوت کا مطالبہ کیا۔ انہوں نے 2016 سے 2023 تک کی تنخواہ کے فرق کی فائل کو منظور کرنے اور فرق کی رقم کے بدلے میں شکایت کنندہ سے 5،000 روپے کا مطالبہ کیا۔
اس معاملے میں شکایت کنندہ نے محکمہ انسداد بدعنوانی کے دفتر میں شکایت درج کرائی ۔اے سی بی کی ٹیم نے اس کی تصدیق کرتے ہوئے پولس سپرنٹنڈنٹ شرمسٹھا والاولکر کے حکم پر پولس انسپکٹر راجیندر سانپ، پرفل مالی، سنتوش گانگورڈے ، ولاس نکم وغیرہ نے منگل 13 اگست کو آشرم اسکول کے احاطے میں جال بچھا دیا۔
اس وقت، شکایت کنندہ سے نکم کو رشوت کی رقم ادا کرنے کو کہتے ہوئے پاٹل نے پنچ اور گواہوں کے سامنے اپنے دفتر میں رشوت کی رقم قبول کرلی ۔اسی دوران اینٹی کرپشن بیورو کی ٹیم نے انہیں رنگے ہاتھوں گرفتار کر لیا۔اس معاملے میں مقدمہ درج کر لیا گیا ہے۔
اشاعتیں
0 تبصرے
bebaakweekly.blogspot.com