امراوتی سینٹرل جیل میں زور دار دھماکے سے سنسنی ، پولس کمشنر و بم ڈسپوزل اسکواڈ کی حاضری ، تفتیش شروع

امراوتی سینٹرل جیل میں زور دار دھماکے سے سنسنی ، پولس کمشنر و بم ڈسپوزل اسکواڈ کی حاضری ، تفتیش شروع 

امراوتی : 7 جولائی (بیباک نیوز اپڈیٹ) امراوتی سنٹرل جیل میں اچانک دھماکے سے پوری طرح جیل انتظامیہ ہل کر رہ گیا ہے۔ امراوتی سنٹرل جیل میں بم نما دھماکہ سے زبردست دھماکہ اور سنسنی پھیل گئی۔ خوش قسمتی سے دھماکے میں کوئی جانی نقصان نہیں ہوا۔ یہ واقعہ سنیچر کی رات تقریباً 8.30 بجے پیش آیا۔ امراوتی CP-DCP اور بم ڈسپوزل اسکواڈ کے ساتھ سینئر پولیس حکام نے واقعہ کی تحقیقات شروع کر دی ہیں۔ 

 موصولہ اطلاعات کے مطابق امراوتی سنٹرل جیل میں رات کو دھماکہ ہوا۔ زور دار دھماکے کے بعد آس پاس کے علاقے میں کہرام مچ گیا۔ بتایا جاتا ہے کہ دھماکہ بیرک نمبر 6 اور 7 کے سامنے ہوا۔تقریباً 8.30 بجے جیل کے اندر پٹاخے یا بم دھماکے جیسی بلند آواز سنی گئی۔اس کے بعد جیل کے علاقے میں کہرام مچ گیا۔واقعہ کی اطلاع ملتے ہی جیل حکام اور امراوتی پولس کمشنر اور ڈی سی پی کے ساتھ بم ڈسپوزل ٹیم موقع پر پہنچ گئی۔ 

 واقعے کی تحقیقات کے لیے فورینسک ٹیم کو فوری طور پر طلب کیا گیا۔میڈیا رپورٹس کے مطابق ابتدائی تحقیقات میں یہ بات سامنے آئی ہے کہ پٹاخے یا بم قریبی ہائی وے کے پیچھے سے گیندوں کے ذریعے جیل میں پھینکے گئے تھے۔ وہ شخص کون ہے جس نے جیل میں بم جیسی چیز پھینکی؟ اور اس شخص کا ایسا کرنے کا اصل مقصد کیا ہے؟ فی الحال جیل انتظامیہ کی جانب سے مکمل تفتیش جاری ہے۔اس دوران خوش قسمتی سے اس معاملے میں ابھی تک کوئی جانی نقصان نہیں ہوا ہے۔ پولس فی الحال امراوتی سنٹرل جیل میں بم جیسی چیز پھینکنے کی وجہ کی تحقیقات میں مصروف ہے۔ پولیس حکام نے اس حوالے سے تحقیقات بھی شروع کر دی ہیں۔ پولیس نے بتایا کہ فورینسک ٹیم اس بات کی بھی تفتیش کر رہی ہے کہ دھماکہ خیز مواد کے لیے کیا استعمال کیا گیا۔؟ بم پھینکنے والے کا اصل ارادہ کیا ہے؟ اس نے ایسا کیوں کیا؟ ۔