تیسری تا نویں جماعت کے طلباء کا تین بنیادی جانچ (پایا بھوت) ٹیسٹ لیا جائے گا

تیسری تا نویں جماعت کے طلباء کا تین بنیادی جانچ (پایا بھوت) ٹیسٹ لیا جائے گا

 پہلا ٹیسٹ جولائی کے دوسرے ہفتہ میں، دوسرا اکتوبر اور تیسرا ٹیسٹ اپریل میں منعقد کیا جائے گا 

مہاراشٹرا اسٹیٹ ایجوکیشنل ریسرچ ٹریننگ کونسل، پونہ نے ایک سرکلر جاری کیا 

پونہ : 3 جولائی (بیباک نیوز اپڈیٹ) اسٹارس پروجیکٹ کے تحت، فاؤنڈیشن ٹیسٹ کے امتحانات تعلیمی سال 2024-25 میں پیریڈک اسسمنٹ ٹیسٹ (PAT) کے تحت منعقد کیے جائیں گے۔یہ ٹیسٹ اس بات کی تصدیق کے ذریعے مطالعہ اور تدریسی عمل کو آسان بنانے کے لیے منعقد کیا جاتا ہے کہ آیا ہر طالب علم نے کلاس کے مطابق متوقع تعلیمی کامیابی حاصل کی ہے یا نہیں۔

 سال بھر میں کل تین متواتر ٹیسٹ منعقد کیے جاتے ہیں

 پہلا بنیادی ٹیسٹ 10 سے 12 جولائی 2024 کے دوران لیا جائے گا اور اس ٹیسٹ کے تحت تمام سرکاری اور مقامی سرکاری اسکولوں اور تمام پرائیوٹ گرانٹیڈ اسکولوں کے طلباء کا مادری زبان، ریاضی اور انگریزی زبان کے مضامین کا ٹیسٹ لیا جائے گا۔ تیسری جماعت سے نویں تک فاؤنڈیشن ٹیسٹ پچھلی کلاس کے نصاب اور بنیادی صلاحیتوں پر مبنی ہے اور اسے کل دس میڈیم میں منعقد کیا جائے گا۔

اس امتحان میں تیسری سے چوتھی کے لیے 40 مارکس ، پانچویں سے چھٹی کے لیے 50 مارکس اور ساتویں سے نویں کے لیے 60 مارکس ہوں گے۔ مہاراشٹرا اسٹیٹ ایجوکیشنل ریسرچ ٹریننگ کونسل، پونہ نے ایک سرکلر کے ذریعے مطلع کیا ہے کہ پہلا بنیادی امتحان 10 سے 12 جولائی تک لیا جائے گا ۔کمپوزٹ اسسمنٹ ٹیسٹ اکتوبر کے آخری ہفتے یا نومبر کے پہلے ہفتے میں منعقد کیا جائے گا۔اور تیسرا ٹیسٹ اپریل کے پہلا یا دوسرے ہفتے میں لیا جائے گا ۔