لونا والا بھوشی ڈیم حادثہ میں مرنے والوں کے لواحقین کو 5-5 لاکھ روپے امداد دینے اجیت پوار کا اعلان
سیاحتی مقامات کے خطرناک زون پر سخت حفاظتی انتظامات کرنے ریاست کے تمام کلکٹرس کو ہدایات
ممبئی : 3 جولائی(بیباک نیوز اپڈیٹ) پونہ کے ہڈپسر علاقے کے لوناولا میں بھوشی ڈیم آبشار میں ایک ہی خاندان کے پانچ افراد بہہ جانے سے افسوسناک واقعہ پیش آیا۔ نائب وزیر اعلیٰ اجیت پوار نے آج ریاست کے تمام کلکٹروں اور ضلعی پولس سربراہوں کو ہدایت دی کہ وہ خطرناک مقامات پر احتیاطی بورڈ لگانے سمیت ضروری اقدامات کریں تاکہ مستقبل میں ایسے حادثات کو روکا جا سکے اور شہریوں کو غیر مانوس خطرناک جگہوں پر جانے سے روکا جا سکے۔انہوں نے اسمبلی میں یہ بھی اعلان کیا کہ بھوشی ڈیم حادثہ میں مرنے والوں کے لواحقین کو چیف منسٹر ریلیف فنڈ سے پانچ پانچ لاکھ روپے کی امداد دی جائے گی۔
اسمبلی ممبر چیتن ٹوپے نے بھوشی ڈیم سانحہ کے متاثرین کے خاندانوں کو امداد فراہم کرنے اور پوائنٹ آف آرڈر کے ذریعے خطرناک مقامات پر سیکورٹی فراہم کرنے کا معاملہ اٹھایا۔ اس کا جواب دیتے ہوئے نائب وزیر اعلیٰ اجیت پوار نے کہا کہ بھوشی ڈیم کے علاقے میں حادثہ افسوسناک ہے اور اس طرح کے حادثات کو روکنے کے لیے اقدامات کرنے کے لیے ضلعی منصوبہ بندی کمیٹی کے ذریعے فنڈز دستیاب کرائے جائیں گے۔
یہ فنڈ ممکنہ طور پر خطرناک جگہوں پر حفاظتی معلوماتی بورڈ، باڑ لگانے، حفاظتی جال وغیرہ لگانے کے لیے استعمال کیا جائے گا۔معلوماتی بورڈ لگانے، سیاحوں کا رش ہونے والی جگہوں پر حفاظتی اقدامات کرنے کے لیے پہلے ہی اقدامات کیے جا رہے ہیں۔ اسی خطوط پر نائب وزیر اعلیٰ اجیت پوار نے بھی کہا کہ کلکٹروں اور ضلعی منصوبہ بندی کے افسروں کو ہدایت دی جائے گی کہ وہ دور دراز کے خطرناک مقامات پر بھی حفاظت سے متعلق ضروری کارروائی کریں۔
اشاعتیں
0 تبصرے
bebaakweekly.blogspot.com