مہاراشٹر حکومت برخاست کر صدر راج نافذ کیا جائے ، کانگریس وفد کی گورنر سے ملاقات و مطالبہ

مہاراشٹر حکومت برخاست کر صدر راج نافذ کیا جائے ، کانگریس وفد کی گورنر سے ملاقات و مطالبہ 

ممبئی : 11 جون (بیباک نیوز اپڈیٹ) آج ریاست کے باشندے خشک سالی کی وجہ سے پریشان ہیں مہاراشٹر کی مخلوط حکومت اس خشک سالی کو سنجیدگی سے نہیں لے رہی ہے۔  لوک سبھا انتخابات کے دوران ریاست میں 267 کسانوں نے خودکشی کی اور انتخابات کے بعد بھی ان خودکشیوں میں کمی نہیں آئی۔ ڈی بی ٹی پورٹل کے ذریعے کسانوں کو فراہم کی جانے والی کھاد، بیج، ادویات نہیں دی گئیں۔ایگریکلچر کمشنر کو اس وقت نظر انداز کر دیا گیا جب انہوں نے احتجاج کیا کہ ٹینڈر جاری کیے بغیر چیف منسٹر کے حکم سے قیمت میں نصف اضافہ کر دیا گیا۔ حکومت نے ریاست میں ٹینکر مافیا بنا رکھا ہے۔ان تمام حالات کے پیش نظر کانگریس نے گورنر سے بدعنوانی سے متاثرہ شندے فرنویس اور اجیت پوار کی مخلوط حکومت کو اقتدار سے ہٹانے اور صدر راج نافذ کرنے کا مطالبہ کیا ہے۔   

 کانگریس کے ریاستی صدر نانا پٹولے کی قیادت میں ایک وفد نے گورنر رمیش بیس سے ملاقات کی اور ریاست میں خشک سالی اور مختلف مسائل پر تبادلہ خیال کیا۔گورنر سے ملاقات کے بعد میڈیا سے بات کرتے ہوئے کانگریس کے ریاستی صدر نانا پٹولے نے کہا کہ حکومت چھٹیوں پر گئی تھی جب کہ کچھ وزیر اس وقت بیرون ملک گئے تھے جب ریاست کو شدید خشک سالی کا سامنا تھا۔  وزراء کو بیرون ملک جانے کے لیے مرکزی حکومت سے اجازت لینا ہوگی۔ان وزراء نے کس کی اجازت لی تھی اس کا خلاصہ کیا جائے۔ 

نانا پٹولے نے کہا کہ کسان مشکل میں ہے، اسے سہارے کی ضرورت ہے۔ریاست میں خشک سالی کی صورتحال کے پیش نظر کسانوں کو فوری قرض معاف کیا جائے، خشک سالی سے متاثرہ کسانوں کو فی ایکڑ 4 لاکھ روپے دیے جائیں، جانوروں کے لیے چارہ کیمپ شروع کیے جائیں اور پینے کا پانی فراہم کیا جائے۔  ریاست میں کھاد کی کالا بازاری جاری ہے۔ اسے بند کی جائے ۔کانگریس پارٹی نے حکومت سے مطالبہ کیا ہے کہ وہ خریف کی بوائی کے لیے کھاد اور بیج فراہم کرے۔

مہاراشٹر کی عظیم شخصیات کی توہین برداشت نہیں کی جائے گی

 چھترپتی شیواجی مہاراج، ڈاکٹر بابا صاحب امبیڈکر، مہاتما پھولے ہمارے رہنما ہیں۔ بی جے پی حکومت نے پارلیمنٹ کے احاطے سے ان رہنماؤں کی مورتیوں کو ہٹا کر ہمارے جذبات کو ٹھیس پہنچایا ہے ۔اس پر ہم سخت احتجاج کیا ہے اور اپنے جذبات کو صدر جمہوریہ تک پہنچایا ہے۔نانا پٹولے نے یہ بھی کہا کہ ہمارے ملک کی عظیم شخصیات کی توہین برداشت نہیں کی جائے گی۔

 اس دوران منوج جارنگے پاٹل کی بھوک ہڑتال کو بھی گورنر کی نوٹس میں لایا گیا۔ ناندیڑ سے کانگریس کے رکن پارلیمنٹ وسنت راؤ چوان نے مطالبہ کیا کہ منوج جرنگے پاٹل نے مراٹھا ریزرویشن کے لیے دوبارہ بھوک ہڑتال شروع کی ہے۔اس پر توجہ دیں اور مراٹھا سماج ک سلام ریزرویشن دیا جائے ۔