وزیر اعلیٰ ایکناتھ شندے کا ناسک دورہ، اساتذہ کے اجلاس سے کشور دراڑے کے لیے کامیاب کرنے کی اپیل

وزیر اعلیٰ ایکناتھ شندے کا ناسک دورہ، اساتذہ کے اجلاس سے  کشور دراڑے کے لیے کامیاب کرنے کی اپیل 

 ناسک : 22 جون (بیباک نیوز اپڈیٹ) سب یہی سوچ رہے تھے کہ پرانی پنشن اسکیم کو نافذ نہیں کیا جاسکتا، لیکن میں نے پرانی پنشن اسکیم کا فیصلہ کیا۔ یکم نومبر 2005 سے پہلے رجوع اساتذہ کو پرانی پنشن سکیم کا فائدہ دیا گیا۔  ضابطہ اخلاق کے بعد اساتذہ کے تمام مسائل حل کریں گے یہ بتاتے ہوئے کہ استاد کے ہوتے ہوئے بھی اور ریٹائرمنٹ کے بعد بھی اساتذہ کو خوش رکھنا چاہیے۔اسطرح کے جملوں کا اظہار وزیر اعلیٰ ایکناتھ شندے نے کشور دراڈے کی انتخابی ریلی کے دوران کیا ۔موصوف ناسک ڈیویژن ٹیچرس الیکشن دراڑے کو ووٹ دینے کی اپیل کررہے تھے ۔

   

وزیر اعلیٰ  دراڈے کی انتخابی مہم کے سلسلے میں منعقدہ ضلع کے مختلف تعلیمی اداروں کے عہدیداروں کے اجلاس سے خطاب کر رہے تھے۔  انہوں نے کہا کہ ٹیچر حلقہ انتخاب میں کشور دراڑے ان کے امیدوار ہیں۔  کشور دراڑے کا کام ہمارے سامنے ہے۔  ہم اساتذہ کو معاشرے اور ملک کے مستقبل کی تشکیل کے طور پر دیکھتے ہیں جس طرح کسان خوراک فراہم کرنے والے ہوتے ہیں۔ ہر کسی کی زندگی میں اساتذہ کی اہمیت منفرد ہوتی ہے۔ اساتذہ ہمیں بناتے ہیں۔اساتذہ ملک کی ذہین اور مہذب نسل کی تخلیق کے لیے کام کرتے ہیں۔  یہ الیکشن سب کے لیے اہم ہے۔وزیر اعلیٰ نے ٹیچرس سے کہا کہ ہمیں آپ کے آشیرواد اہم ہیں۔

 اس جلسہ عام میں انہوں نے لوک سبھا انتخابات پر تبصرہ کیا۔ انہوں نے کہا کہ لوک سبھا انتخابات میں غلط مہم چلائی گئی، آئین بدلا جائے گا۔لوک سبھا انتخابات میں عظیم اتحاد سے ہم سے کچھ غلطیاں ہوئیں۔  امیدواروں کے اعلان میں تاخیر ہوئی، ہمارے ہی کچھ لوگ کھڑے ہوگئے۔لیکن اب ہمیں ٹیچر الیکشن میں لوک سبھا کی شکست کو سامنے رکھتے ہوئے اس چناؤ میں کامیابی حاصل کرنا ہے ۔