ایلورہ کنسٹرکشن نے انڈر گراؤنڈ گٹر کے ٹینڈر کو سب سے کم شرح 527 کروڑ روپے میں داخل کیا،سہکار انفرا نے ممبئی ہائی کورٹ کے وکیل کی معرفت کارپوریشن کمشنر کو نوٹس روانہ کی

ایلورہ کنسٹرکشن نے انڈر گراؤنڈ گٹر کے ٹینڈر کو سب سے کم شرح 527 کروڑ روپے میں داخل کیا،سہکار انفرا نے ممبئی ہائی کورٹ کے وکیل کی معرفت کارپوریشن کمشنر کو نوٹس روانہ کی

انڈو انجینئرنگ پروجیکٹ کارپوریشن ناگپور کا ٹینڈر 610 کروڑ یعنی 75 کروڑ 85 لاکھ روپے زائد، کارپوریشن کو کروڑوں روپے کا مالی نقصان 

وزیر اعلیٰ،نائب وزرائے اعلیٰ ،پرنسپل سیکرٹری، دادا بھوسے، مفتی اسماعیل ،آصف شیخ ،اسلم انصاری و ٹینڈر کمیٹی سے انصاف کی اپیل 

 مالیگاؤں : 9 نومبر (پریس ریلیز) انڈر گراؤنڈ گٹر اسکیم کے 500 کروڑ روپے کے تعمیری کاموں کے ٹینڈرس کو لیکر اب نیا موڑ سامنے آرہا ہے ۔تفصیلات کے مطابق مرکزی حکومت کی منظور کردہ امرت اسکین فیز -2 کے تحت مالیگاؤں میونسپل کارپوریشن کو انڈر گراؤنڈ گٹر کی تعمیر کیلئے 419 کروڑ روپے منظور کئے گئے جو جی ایس ٹی سمیت 500 کروڑ روپے تک پہنچ گئی ہے ۔جس میں ٹینڈر کے عمل میں بے ضابطگیاں اور ٹینڈر شرائط و ضوابط کی خلاف ورزی دیکھنے میں آئی ہے۔ اس لئے ٹینڈر پروسیجر کو حتمی شکل نہ دی جائے اور ٹینڈر کو فائنل نہ کیا جائے ورک آرڈر بھی اسوقت تک نہ دیا جائے جب تک کہ مذکورہ ٹینڈر کے عمل میں جمع کرائے گئے دستاویزات کی مکمل چھان بین نہیں کی جاتی۔کیونکہ میرے موکل سہکار انفرا جے وی نے سب سے کم شرح یعنی 6 فیصد زائد رقم یعنی 527 کروڑ 34 لاکھ روپے میں ٹینڈر بھرا ہے اور جس انڈو انجینئرنگ پروجیکٹ کارپوریشن، ناگپور کی کمپنی کو یہ ٹینڈر دیا گیا ہے اس نے 22 فیصد زائد رقم یعنی 75 کروڑ 85 لاکھ روپے اضافہ سے ٹینڈر بھرا ہے جو کہ غلط ہے اور مالیگاؤں کارپوریشن کو 76 کروڑ روپے کا مالی نقصان ہونے جارہا ہے ۔اسطرح کی ایک نوٹس سہکار انفرا (جے وی)ایلورہ کنسٹرکشن نے ممبئی ہائی کورٹ کے وکیل مہیندرا سندانشیو کے توسط سے مالیگاؤں کارپوریشن کے پرشاشک کو دی گئی ہے ۔وکیل نے نوٹس میں کہا کہ میرے موکل سہکار انفرا جے وی کی جانب سے فراہم کردہ معلومات اور دستاویزات کی بنیاد پر آپ کو نوٹس دی جاتی ہے کہ مالیگاؤں میں انڈر گراؤنڈ گٹر کی تعمیر کرنے کیلئے 500 کروڑ روپے کے کام کے لیے ٹینڈر شائع کیا گیا تھا۔ مذکورہ معاملے ٹینڈر کمپیٹیشن ہوا اور کل چار ٹینڈررز نے حصہ لیا۔ ہمارے موکل سہکار انفرا  نے ٹینڈر بھی جمع کرایا تھا، ٹینڈر جمع کرواتے وقت کوالیفائی کرنے کے لیے تمام اہم اور ضروری دستاویزات پہلے ہی جمع کر دیے گئے تھے۔  تاہم کارپوریشن نے تکنیکی معاملات پر میرے موکل سہکار انفرا کے ٹینڈر کو نااہل قرار دے کر غلط فیصلے دیئے ہیں۔وکیل معرفت نوٹس میں مزید کہا گیا ہے کہ ہمارے موکل کی طرف سے فراہم کردہ معلومات کے مطابق، ٹینڈر ہولڈر جسے کارپوریشن نے اہل قرار دیا ہے، لیکن انڈو انجینئرنگ پروجیکٹ کارپوریشن ناگپور کے ٹینڈر میں جمع کرائی گئی دستاویزات جھوٹی اور من گھڑت ہیں۔اس کمپنی نے ایس ٹی پی کو ایم ایم بی آر ٹیکنالوجی کے طور پر بنانا تھا، لیکن مذکورہ ٹینڈرر نے ایم ایم بی آر کے بجائے ایس بی آر ٹیکنالوجی کا سرٹیفکیٹ منسلک کیا ہے۔یہ ٹینڈر کی شرائط و ضوابط کے مطابق نہیں ہے۔تاہم، کارپوریشن نے اس غلط دستاویز کو منظور کر لیا ہے۔اسی طرح CA کا UDIN نمبر ٹینڈرر کے ذریعہ جمع کرائے گئے تعمیراتی کام کے مالیاتی ٹرن اوور سے متعلق دستاویزات پر نظر نہیں آتا، اس کا مطلب ہے کہ سرٹیفکیٹ کے جعلی ہونے کے امکان کو رد نہیں کیا جاسکتا، اس لئے مذکورہ سرٹیفکیٹ کو مسترد کردیا جانا چاہئے کیونکہ بلینس رقم کی بنیاد پر ٹینڈر لینے والے کا انحصار اس کے ٹرن اوور پر ہے۔ حالانکہ مذکورہ انڈو انجینئرنگ پروجیکٹ کارپوریشن، ناگپور کو نااہل قرار دینے کے لیے کئی عوامل کافی ہیں لیکن کارپوریشن نے انہیں اہل قرار دیا ہے۔ سب سے کم بولی لگانے  میری پارٹی سہکار انفرا کے ساتھ ناانصافی ہوگی اور کارپوریشن  کو 75 کروڑ 85 لاکھ روپے کا نقصان ہوگا۔ انڈو انجینئرنگ پروجیکٹ کارپوریشن، ناگپور کو مالیگاؤں کارپوریشن نے غلط طور پر کوالیفائی کیا ہے ۔اس کمپنی نے سب سے زیادہ 603.19 کروڑ (بشمول جی ایس ٹی) بولی لگائی ہے یعنی ٹینڈر کو 22 فیصد اضافی رقم سے بھرا ہے جبکہ میری پارٹی کی بولی روپے۔ 527.34 کروڑ (بشمول جی ایس ٹی)یعنی 6 فیصد اضافی رقم ہے اور اس کا مطلب ہے کہ میری پارٹی سہکار انفرا کو نہ دیتے ہوئے یہ ٹینڈر ناگپور کی کمپنی کو 75.85 کروڑ روپے میں غلط طریقے سے دیا گیا ہے ۔جس سے مالیگاؤں کارپوریشن کو کروڑوں روپے کا نقصان ہو گا ۔مندرجہ بالا تمام حالات کے پیش نظر کارپوریشن نے کوالیفائیڈ ٹینڈرر کو غیر قانونی اور بے قاعدگی سے کوالیفائی کیا ہے جو کہ ہماری پارٹی کے ساتھ ناانصافی ہے۔ تاہم، اس نوٹس کے ذریعے آپ کو مطلع کرتا ہوں کہ کارپوریشن کو مذکورہ ٹینڈر کے عمل میں میری پارٹی کی طرف سے جمع کرائے گئے ٹینڈر کو کھولنا چاہیے اور میری پارٹی کے ساتھ ناانصافی اور کارپوریشن کو 75 کروڑ 85 لاکھ روپے کے نقصان سے بچنا چاہیے۔ بصورت دیگر، ہماری پارٹی مناسب اقدامات کرتے ہوئے عدالت میں اپیل کرے گی اور آپ اس پر اٹھنے والے اخراجات کے ذمہ دار ہوں گے۔اسطرح کی ایک تفصیلی نوٹس مالیگاؤں کارپوریشن کے کمشنر کو سہکار انفرا (ایلورہ کنسٹرکشن) کی جانب سے ممبئی ہائی کورٹ کے وکیل مہیندرا نے روانہ کی ہے ۔اس ضمن میں سہکار انفرا جے وی کمپنی نے مہاراشٹر کے وزیر اعلیٰ ایکناتھ شندے، دونوں نائب وزیر اعلیٰ ،پرنسپل سکریٹری محکمہ شہری ترقیات مہاراشٹر اور مالیگاؤں کے رابطہ وزیر دادا بھوسے ،ایم ایل اے مفتی اسمٰعیل قاسمی و سابق ایم ایل اے آصف شیخ ،اسلم انصاری کو بھی ایک خط تحریر کرتے ہوئے اس معاملے میں داخل اندازی کرتے ہوئے انصاف کا مطالبہ کیا ہے ۔انڈو انجینئرنگ پروجیکٹ کارپوریشن ناگپور کے بھرے گئے ٹینڈر کو اہل قرار دے کر،مالیگاؤں کارپوریشن نے غیر قانونی طور پر/بے قاعدگی سے اور اہلیت کے لیے درکار بہت سی شرائط و ضوابط کو نظرانداز کرتے ہوئے، انڈو انجینئرنگ پروجیکٹ کارپوریشن، ناگپور کو اہل قرار دے کر ہمارے ساتھ بہت بڑی ناانصافی کی ہے۔اور مالیگاؤں میونسپل کارپوریشن کو تقریباً 76 کروڑ کا مالی نقصان بھی ہوگا ۔تاہم، آپ سے درخواست ہے کہ کسی مخصوص ٹینڈر ہولڈر کو ٹینڈر دینے میں مذکورہ بالا تمام بے ضابطگیوں کی مکمل تحقیقات کا حکم دیں۔ ساتھ ہی گزارش ہے کہ کارپوریشن انتظامیہ کو حکم دیا جائے کہ اس ٹینڈر کے عمل میں سب سے کم شرح پر بھرے گئے ٹینڈر کھولے جائیں۔