لوک آیوکت ممبئی کی مالیگاوں کارپوریشن کو نوٹس ، کروڑوں کے تعمیری کاموں کے ٹینڈرس میں بدعنوانی کی شکایت پر 14 ستمبر کو سماعت

لوک آیوکت ممبئی کی مالیگاوں کارپوریشن کو نوٹس ، کروڑوں کے تعمیری کاموں کے ٹینڈرس میں بدعنوانی کی شکایت پر 14 ستمبر کو سماعت

آصف شیخ رشید کی عرضداشت پر کمشنر کو لوک آیوکت دفتر میں حاضر رہنے کی ہدایت

مالیگاؤں : 8 ستمبر (بیباک نیوز اپڈیٹ)مالیگاؤں میونسپل کارپوریشن کے ایڈمنسٹریٹر کی جانب سے ترقیاتی کاموں کے زیر التواء ٹینڈرز کی انکوائری اور زیر التوا ترقیاتی کاموں کو مکمل کرنے کے حکم کے حوالے سے ایک شکایتی مکتوب مہاراشٹر لوک آیوکت کو آصف شیخ رشید نے گزشتہ 23 اگست کو دیا تھا ۔ آصف شیخ نے لوک آیوکت سے درخواست کرتے ہوئے کہا تھا کہ مالیگاؤں میونسپل کارپوریشن کو تحلیل کیا گیا ہے،اور گزشتہ 14 جون 2022 سے بھالچندر گوساوی کو ایڈمنسٹریٹر مقرر کیا گیا۔ ایڈمنسٹریٹر نے اپنے اختیارات سے بلدیہ کا انتظام سنبھالنے کے بعد سے آج تک ایک خاص رقم کے ٹینڈر جاری کیے ہیں۔ لیکن کئی ٹینڈرز میں مقابلہ ہونے کی وجہ سے کچھ سیاسی جماعتوں کے لوگ ٹینڈر ہولڈرز (ٹھیکہ داروں) کو ٹینڈر واپس لینے پر مجبور کرنے کا غیر قانونی کام و دادا گیری کر رہے ہیں۔ کچھ ترقیاتی کاموں کے لیے قابل اعتراض ٹینڈر کی تفصیلات درج ذیل ہیں۔

اسطرح کی تفصیلات بھی آصف شیخ نے لوک آیوکت کو دی تھی ۔جس کی روشنی میں آج ممبئی لوک آیوکت دفتر سے مالیگاؤں کارپوریشن کمشنر و ایڈمنسٹریٹر کو نوٹس روانہ کی گئی ہے ۔اس نوٹس میں لکھا ہے کہ آصف شیخ رشید کی جانب سے لوک آیوکت میں دائر عرضداشت کی روشنی میں مالیگاؤں کارپوریشن کمشنر کو لوک آیوکت دفتر میں مذکورہ تمام الزامات کے جوابدہی کیلئے حاضر رہنا ہوگا ۔اس طرح کا ایک مکتوب کارپوریشن کے علاوہ لوک آیوکت نے عرضی گزار آصف شیخ رشید کو بھی روانہ کیا ہے ۔جس میں لوک آیوکت دفتر کے سرکل آفیسر نے ہدایت دیتے ہوئے کہا کہ مالیگاؤں کارپوریشن کمشنر کو 14 ستمبر کو 11 بجکر 15 منٹ پر لوک آیوکت دفتر ممبئی میں حاضر رہنا ہوگا اور سماعت کے دوران تمام کاغذات کو ساتھ میں لانا ہوگا ۔لوک آیوکت نے آصف شیخ کو بھی سماعت کے دوران حاضر رہنے کی ہدایت دی ہے ۔

تفصیلات کے مطابق آصف شیخ رشید نے کارپوریشن کے چنندہ کاموں کی شکایت لوک آیوکت سے کی تھی جن میں ان کاموں کا تذکرہ کیا گیا ہے کہ مالیگاؤں میونسپل کارپوریشن بذریعہ پبلک ورکس ڈیپارٹمنٹ ٹینڈر نوٹس نمبر۔ 4/23-24 کے لیے 7 کروڑ 47 لاکھ کا روڈ کنکریٹائزیشن کا ٹینڈر 24 مئی 2023 کو جاری کیا گیا، اکثریت سے ٹینڈر ہولڈرز نے اس ٹینڈر میں حصہ لیا، لیکن مقابلہ کی وجہ سے ایڈمنسٹریٹر نے دوسرے ٹینڈر ہولڈرز کے لیے مقابلے سے باہر ہونا ممکن بنایا اور اپنے من پسند کے ٹھیکہ دار کی حمایت کی جارہی ہیں ان پر دبائو ڈالا جا رہا ہے اور ٹینڈر کو حتمی شکل دینے کا عمل التوا میں رکھا گیا ہے اور جس ٹھیکہ دار سے مالیاتی لین دین کیا گیا تھا اس کے ٹینڈر کھولنے کا کام ایڈمنسٹریٹر کر رہے ہیں ۔ جس کی وجہ سے شہر میں کئی اہم ترقیاتی کاموں کے ٹینڈر ٹھپ ہو کر رہ گئے ہیں۔

مالیگاؤں کارپوریشن محکمہ تعمیرات کا ٹینڈر نوٹس نمبر 24 اکتوبر 2023 کے بہت سارے کاموں کے ٹینڈر موصول ہوئے لیکن ایک اہم ٹینڈر IHSDP ٹو سٹیزن آف ورکر کالونی ہے۔ میں عمارت کی مرمت کے کام کے لیے اس ٹینڈر میں مقابلہ ہوا اور کارپوریشن کے اکاؤنٹس آفیسر اور انچارج ڈپٹی کمشنر راجو کھیرنار کے بیٹے جو خود کارپوریشن میں ٹھیکہ دار ہیں، اس لیے انھوں نے مذکورہ ٹینڈر اور دیگر ٹینڈر میں حصہ لیا۔دیگر ٹھیکہ داروں پر دباؤ ڈالا جا رہا ہے کہ وہ مذکورہ ٹینڈر حاصل کریں اور ٹینڈر کا پیکٹ نمبر پڑھائیں۔ اس طرح کے نہ کھولنے کی بہت سی مثالیں کارپوریشن کو بھاری مالی نقصان پہنچاتی ہیں۔ کمشنر اور ایڈمنسٹریٹر تخمینہ سے 10/15/20 فیصد زیادہ شرح پر اپنے من پسند ٹھیکہ داروں کے ٹینڈر منظور کرکے کارپوریشن کو مالی نقصان پہنچا رہے ہیں۔آصف شیخ رشید کی عرضداشت پر اب 14 ستمبر کو سماعت ہوگی ۔اور آگے کا منظر صاف ہوگا ۔