منی لانڈرنگ کیس میں سابق وزیر نواب ملک کی ضمانت منظور

منی لانڈرنگ کیس میں سابق وزیر نواب ملک کی ضمانت منظور

 ممبئی: 11 اگست ( بیباک نیوز اپڈیٹ) مہاراشٹر کے سابق وزیر نواب ملک کو منی لانڈرنگ کیس میں سپریم کورٹ نے طبی بنیادوں پر دو ماہ کے لیے ضمانت دے دی ہے۔  ای ڈی نے طبی بنیادوں پر ضمانت دینے پر اعتراض نہیں کیا۔  نواب ملک کو فروری 2022 میں گرفتار کیا گیا تھا۔ تب سے وہ جیل میں ہے۔

 نواب ملک کو منی لانڈرنگ کیس میں گرفتار کیا گیا تھا۔ نواب ملک کے خلاف کرلا، ممبئی میں اراضی کی مالی بدعنوانی کے معاملے میں الزامات ہیں۔ منی لانڈرنگ کیس میں گرفتار اقبال کاسکر سے پوچھ گچھ کے دوران ملک کا نام سامنے آیا۔

 نواب ملک کو 23 فروری 2022 کو حراست میں لیا گیا تھا۔  اس سے پہلے ان سے 8 گھنٹے تک پوچھ گچھ کی گئی۔ بدنام زمانہ ڈان داؤد ابراہیم کی رئیل اسٹیٹ کے ذریعے دہشت گردی کی فنڈنگ

 اور رئیل اسٹیٹ کا لین دین منی لانڈرنگ کے ذریعے کیا جاتا ہے۔اس سلسلے میں ای ڈی نے تقریباً نو مقامات پر چھاپے بھی مارے تھے ۔