وزیر اعظم نریندر مودی کو ایڈوکیٹ مومن مجیب کا محضر نامہ انڈر گراؤنڈ گٹر اسکیم ٹینڈر میں فاش غلطیاں،ترمیم و ذمہ دار آفیسر پر کارروائی کا مطالبہ، عوامی خزانے کا کروڑوں کا نقصان

وزیر اعظم نریندر مودی کو ایڈوکیٹ مومن مجیب کا محضر نامہ  

 انڈر گراؤنڈ گٹر اسکیم ٹینڈر میں فاش غلطیاں،ترمیم و ذمہ دار آفیسر پر کارروائی کا مطالبہ، عوامی خزانے کا کروڑوں کا نقصان 

مالیگاؤں : (نامہ نگار) مالیگاؤں میونسپل کارپوریشن کا ایک اشتہار سنڈے ایکسپریس مورخہ 21 مئی 2023 کے صفحہ 9 پر شائع ہوا۔ جس میں مالیگاؤں شہر کے لیے انڈر گراؤنڈ ڈرینیج (فیز-II) اسکیم کے کام کے لیے ای ٹینڈر کو مدعو کیا گیا ہے۔جس کی لاگت ‏امرت ابھیان فیز 2 کے تحت ہے۔جسکا تخمینہ( 500 کروڑ جی ایس ٹی سمیت) 4,19,00,28,931/ درج کیا گیا ہے ۔اس ل میں مہاراشٹر ریاست کے علاوہ ہاؤسنگ اور شہری امور کی وزارت، حکومت ہند نے بھی بڑی رقم کا حصہ دیا ہے۔اس کے علاوہ مالیگاؤں کارپوریشن بھی 33 فیصد رقم خرچ کرنے والی ہے ۔مالیگاؤں کارپوریشن حدود کا رہائشی ہونے کے ناطے، ہم نے پورے شہر کے کونے کونے میں سیمنٹ کنکریٹ کی نئی سڑکوں کی تعمیر دیکھی ہے، کئی سڑکوں کا ابھی بھی کام جاری ہیں، جن میں کئی سو کروڑ روپے کی عوامی رقم خرچ ہوئی ہے اور یقین ہے کہ اس کے بعد بھی کام جاری رہیگا ۔لیکن انڈر گراؤنڈ گٹر اسکیم امرت فیز 2 کے ای ٹینڈر میں متعلقہ میونسپل ملازمین کی سنگین غفلت، معمول کی غلط منصوبہ بندی اور مستقل لاپرواہی کی ایک اور مثال ہے، کیونکہ زیر زمین ڈرینج اسکیم کے لیے لازمی طور پر نئی تعمیر شدہ سیمنٹ کنکریٹ سڑکوں کی کھدائی کی ضرورت ہوگی، جس سے کروڑوں روپے ضائع ہوں گے۔اسطرح کی تفصیلات ایڈوکیٹ مومن مجیب نے وزیر اعظم نریندر مودی کی افس میں فراہم کرتے ہوئے شکایت کی ہے ۔ایڈوکیٹ مومن مجیب نے لیٹر میں لکھا کہ مالیگاؤں کارپوریشن میں کسی بھی غلط اور لاپرواہ ملازم یا آفیسر کے خلاف حکومت کی طرف سے کبھی کوئی کارروائی نہیں کی گئی ہے، اس لیے مالیگاؤں میں بے خوفی کی بنیاد پر یہ سب کام کرنا معمول بن گیا ہے۔اس لیے براہ کرم پانچ سو کروڑ روپے کے امرت اسکیم سے بننے جارہے انڈر گراؤنڈ گٹر کی فوری انکوائری کی جائے اور آفیسران کو ہدایات دی جائے کہ ذمہ داری کے تعین، ای ٹینڈر میں ترامیم اور ماضی کے اسی طرح کے منصوبوں اور واجبات میں ضائع ہونے والے عوامی پیسے کی وصولی کا بندوبست کریں۔