آخر کار کسانوں کا لانگ مارچ ملتوی 70 فیصد مطالبات منظور ، سابق ایم ایل کامریڈ گاوت کا اعلان

آخر کار کسانوں کا لانگ مارچ ملتوی 70 فیصد مطالبات منظور ، سابق ایم ایل کامریڈ گاوت کا اعلان 

ممبئی : 18 مارچ (بیباک نیوز اپڈیٹ) کسانوں اور قبائلی طبقہ کا لانگ مارچ ناسک سے مختلف مطالبات کو لے کر پیدل  شروع ہوا اور اب یہ ممبئی پہنچ گیا ہے۔ وزیر اعلی ایکناتھ شندے اور نائب وزیر اعلی دیویندر فڑنویس نے لانگ مارچ کے کسانوں کے نمائندوں سے دو بار بات چیت کی۔ اس کے علاوہ وزیر دادا بھوسے بھی کسانوں کے نمائندوں سے رابطے میں رہے۔ کسانوں کے مطالبات مان لیے گئے ہیں اور وزیر اعلیٰ نے اس سلسلے میں قانون ساز اسمبلی میں بیان بھی دیا۔ آخر کار اس لانگ مارچ کو ملتوی کرنے کا فیصلہ کیا گیا ہے۔اسطرح کا اعلان سابق ایم ایل اے جے پی گاوت نے کیا ہے۔

 گاوت نے کہا..

کامریڈ جیوا پانڈو گاوت نے کہا کہ حکومت نے کسانوں کے 70 فیصد مطالبات مان لیے ہیں۔ کلکٹر نے تحریری خط میں کہا کہ یہ مطالبات قابل قبول ہیں۔ ریاستی اور مرکزی حکومت سے متعلق جو سوالات ہیں۔ اس کے حل کے لیے کمیٹی بنا دی گئی ہے۔  اگلے مہینے میں کچھ مسائل حل ہو جائیں گے۔  گاوت نے کہا ہے کہ ہم لانگ مارچ کو ملتوی کر رہے ہیں کیونکہ 70 فیصد مطالبات تسلیم کر لیے گئے ہیں۔

 واپسی کا سفر 

 ناسک ضلع کے مختلف حصوں سے قبائلی کسان پیدل مارچ کرتے ہوئے ممبئی پہنچے۔ اب جب کہ مطالبات تسلیم کر لیے گئے ہیں اور لانگ مارچ ملتوی ہو گیا ہےتو پھر کسان اپنے گھروں کو لوٹ جائیں گے۔ ریاستی حکومت نے اس کے لیے ایک خصوصی ٹرین بک کرائی ہے۔ یہ تمام کسان اور مظاہرین خصوصی ٹرین کے ذریعے اپنے گاؤں واپس جائیں گے۔ اس خصوصی ٹرین کو ممبئی سے ناسک کے لیے بک کیا گیا ہے۔