بائیک پر دنیا کے 12 (بشمول پانچ جزائر)براعظموں کے 30 ممالک کا سفر کریگی پونہ کی نوجوان لڑکی، 9 مارچ سے سفر کا آغاز

بائیک پر دنیا کے 12 (بشمول پانچ جزائر)براعظموں کے 30 ممالک کا سفر کریگی پونہ کی نوجوان لڑکی، 9 مارچ سے سفر کا آغاز 

مہاراشٹر کی بیٹی کو وزیر اعلیٰ ایکناتھ شندے ہری جھنڈی بتا کر گیٹ وے آف انڈیا سے روانہ کریں گے 

 پونہ : 8 مارچ (بیباک نیوز اپڈیٹ)مراٹھی لباس ساڑھی پہن کر پونہ کی رمیلا لٹ پٹے نامی ایک نوجوان لڑکی 9 مارچ کو موٹرسائیکل پر دنیا کی سیر کے لیے روانہ ہوں گی اور تقریباً 365 دن کا سفر کرنے کے بعد 8 مارچ 2024 کو ہندوستان واپس آئیں گی۔

 اس حوالے سے معلومات دیتے ہوئے رمیلا نے بتایا کہ وہ 12 براعظموں(بشمول پانچ جزائر) کے 20 سے 30 ممالک کی سیر کرتے ہوئے تقریباً ایک لاکھ کلومیٹر کا سفر مکمل کریں گی۔ بھارت کی بیٹی رمیلا لٹ پٹے نہ صرف سفر کرنے کا ارادہ رکھتی ہیں بلکہ مہاراشٹر کے مختلف سیلف ہیلپ گروپ کے ذریعے بنائے گئے مختلف کھانوں کے ذریعے مہاراشٹر کی ثقافت کو ہر ملک میں پھیلانے کا ارادہ رکھتی ہیں۔

 رما (رائزنگ ایبل مینکائنڈ آل راؤنڈ)بیداری مہم کے ذریعے دنیا کے دورے کا منصوبہ بنایا گیا ہے جس کے مطابق رمیلا لٹ پٹے 9 مارچ 2023 کو گیٹ وے آف انڈیا سے شام 4.30 بجے اپنے دورے کا آغاز کریں گی۔ اس موقع پر وزیر اعلیٰ ایکناتھ شندے، شانتنو نائیڈو، پرساد ناگرکر، ایم پی سری رنگ بارنے، ایم ایل اے مہیش دادا لانڈگے، اشونی جگتاپ، سریش بھویر وغیرہ فلیگ آف کے لیے موجود رہیں گے۔

 نیز، یوم خواتین کے موقع پر، یہ عالمی دورہ ہندوستانی خواتین میں ہمت، عزم اور استقامت کا پیغام دینے کے لیے شروع کیا گیا ہے۔ چند روز قبل رمیلا لٹ پٹے نے وزیر اعلیٰ سے ملاقات کی اور انہیں اپنی مہم کے بارے میں جانکاری دی، وزیر اعلیٰ نے ان سرگرمیوں کو سراہا۔ رمیلا چنچواڑ (پونہ) کی رہنے والی ہیں۔ اور اہلیہ فاؤنڈیشن نامی این جی او کے لیے خواتین اور نوجوانوں کو بااختیار بنانے کی سرگرمیاں کرتی ہیں۔