ساڑھے آٹھ لاکھ روپے رشوت لیتے ہوئے سب ڈویژنل واٹر کنزرویشن آفیسر اینٹی کرپشن کے شکنجے میں

ساڑھے آٹھ لاکھ روپے رشوت لیتے ہوئے سب ڈویژنل واٹر کنزرویشن آفیسر اینٹی کرپشن کے شکنجے میں

اورنگ آباد : 7 فروری (بیباک نیوز اپڈیٹ) سب ڈویژنل واٹر کنزرویشن آفیسر جالنہ کو کولہا پوری ڈیم کے بلوں کی ادائیگی کے لیے لگژری کار میں ساڑھے آٹھ لاکھ روپے رشوت لیتے ہوئے اینٹی کرپشن اسکواڈ نے رنگے ہاتھوں گرفتار کرلیاہے ۔رشوت لینے والے سب ڈویژنل واٹر کنزرویشن افسر کی شناخت رشی کیش پرلہاد راو دیشمکھ (عمر 34) کے طور پر کی گئی ہے۔ جبکہ ایسوسی ایٹ کلرک کا نام بھاؤصاحب داداراؤ گورے ہے۔ جالنہ اے سی بی نے پیر 6 فروری کو مہاراشٹر واٹر کنزرویشن کارپوریشن اورنگ آباد کے دفتر کے سامنے یہ کارروائی کی۔ دلچسپ بات یہ ہے کہ جالنہ یونٹ نے اورنگ آباد شہر میں یہ ٹریپ آپریشن کیا۔ اس اقدام نے ہلچل مچا دی ہے۔

 اس سلسلے میں ایک 36 سالہ شخص نے جالنہ اے سی بی میں شکایت درج کرائی۔ شکایت کنندہ نے کولہاپوری ڈیم کا کام چوڈیشوری کنسٹرکشن پربھنی کے نام سے کیا ہے۔ سون پیٹھ تعلقہ کے گاولی پمپلی میں شکایت کنندہ کے ذریعہ کئے گئے کام کے لئے 18 لاکھ اور پورنا تعلقہ میں گووند پور کے کام کے لئے 1 کروڑ 19 لاکھ روپے کی بلوں) کی ادائیگی کا متعلقہ انجینئر نے مطالبہ کیا لیکن سرکاری آفیسر نے ان روپے کی ادائیگی کیلئے بھاری رقم 8 لاکھ 53 ہزار روپے کا مطالبہ کیا ۔منیجنگ ڈائرکٹر سنیل کشیرے کے لیے 7.5 فیصد کے طور پر کل 8 لاکھ 3 ہزار 250 روپے اور اپنے اور کارپوریشن آفس کے لیے 50 ہزار روپے شکایت کنندہ سے مانگے گئے۔ لیکن چونکہ شکایت کنندہ رشوت دینے پر راضی نہیں ہوا اور اس نے جالنہ اے سی بی سے شکایت کی۔

 جالنہ اے سی بی کی ایک ٹیم نے پنچ کے سامنے تصدیق کی۔ اس کے بعد ٹیم کی جانب سے جال بچھا دیا گیا۔ ملزمان نے رشوت کی رقم اپنے ساتھ موجود انووا کار (MH 20 F G. 5005) میں لی۔ اس کے بعد انتظار میں بیٹھے اے سی بی حکام نے دونوں رشوت لینے والوں کو رنگے ہاتھوں پکڑ لیا۔

 یہ کارروائی پولیس سپرنٹنڈنٹ سندیپ اٹولے، ایڈیشنل سپرنٹنڈنٹ آف پولیس وشال کھمبے، ڈپٹی سپرنٹنڈنٹ آف پولیس جالنا اے سی بی سدام پچورکر نے کی۔پولس انسپکٹر شنکر مہادیو مٹیکر پولس کمشنر گجانن کامبلے،جمادھے، بوجادے، کھنڈرے گیرام کی ٹیم نے انجام دیا۔