چراغ تلے اندھیرا ، انکم ٹیکس آفیسر نے 263 کروڑ کی مالی بدعنوانی کا ارتکاب کیا، ای ڈی کی چھاپہ ماری ، 166 کروڑ کی جائیداد قرق

چراغ تلے اندھیرا ، انکم ٹیکس آفیسر نے 263 کروڑ کی مالی بدعنوانی کا ارتکاب کیا، ای ڈی کی چھاپہ ماری ، 166 کروڑ کی جائیداد قرق 

ممبئی : 30 جنوری (بیباک نیوز اپڈیٹ) انکم ٹیکس ڈپارٹمنٹ، جو ملک بھر میں دھوکہ دہی کرنے والوں پر کڑی نظر رکھے ہوئے ہے، کو احساس ہی نہیں ہوا کہ اپنے ہی چراغ تلے اندھیرا ہے۔ جب اندر انکم ٹیکس ڈپارٹمنٹ کی چھاپہ ماری چل رہی تھی اس دوران اس کا ایک ملازم انکم ٹیکس ڈیپارٹمنٹ کو 263 کروڑ کی دھوکہ دہی کر رہا تھا۔ یہ چونکا دینے والا واقعہ مہاراشٹرا اور کرناٹک میں انفورسمنٹ ڈائریکٹوریٹ کے ذریعہ کئے گئے چھاپوں کے دوران سامنے آیا۔

 تاناجی منڈل، جو محکمہ انکم ٹیکس میں سینئر اسسٹنٹ آفیسر ہیں، اپنے ہی سینئر افسران کے لاگ ان کا استعمال کرتے ہوئے رقم منتقل کر رہے تھے۔ ای ڈی کی جانب سے پی ایم ایل اے ایکٹ کے تحت تحقیقات کرنے کے بعد پورا معاملہ سامنے آیا ہے۔ اس نے ایس بی انٹرپرائزز نامی کمپنی کے اکاؤنٹ میں ٹیکس ریفنڈ کے ذریعے 263 کروڑ کی رقم جمع کی۔ اس سارے کام میں اس کے کچھ ساتھی بھی شامل ہیں۔اس نے رقم کا کنٹرول اپنے ایک دوست بھوشن پاٹل کو سونپا تھا۔ نومبر 2019 سے، اس نے 12 جعلی TDS ریٹرن کے لیے فرم کے اکاؤنٹ میں 263 کروڑ روپے جمع کرائے تھے۔ بھوشن پاٹل اور دیگر ساتھی شیل کمپنیوں کے کھاتوں میں رقم جمع کر رہے تھے۔

 تاناجی نے دو مالی سال 2007-2008 اور 2008-2009 کے بقایا ٹیکس ریفنڈز دکھا کر 263 کروڑ کی مالی بدعنوانی کا ارتکاب کیا۔  اس نے یہ ساری رقم ایس بی کو دی۔ انٹرپرائزز کے اکاونٹ میں رقم بطور ریفنڈ جمع ہونے کا انکشاف ہوا ہے۔

 

 ای ڈی نے پونہ، لوناوالا، کھنڈالہ، کرجت، اڈوپی میں تانا جی منڈل کی زمینیں ضبط کر لی ہیں۔ لگژری کاریں بھی قبضے میں لے لی گئی ہیں۔ ممبئی، پنویل میں فلیٹ، لوناولہ، کھنڈالہ، کرجت، پونہ ، اڈوپی میں غیر منقولہ جائیدادیں، بی ایم ڈبلیو، مرسڈیز، اوڈی جیسی لگژری کاریں بھی ضبط کی گئی ہیں۔ ای ڈی کا کہنا ہے کہ ان ضبط شدہ اشیاء کی کل جائیداد 166 کروڑ کی ہے۔