شندے سرکار گر جائے گی ، این سی پی طاقتور ہے ٹوٹے گی نہیں :جینت پاٹل

شندے سرکار گر جائے گی ، این سی پی طاقتور ہے ٹوٹے گی نہیں : جینت پاٹل 

احمد نگر : 3 اکتوبر (بیباک نیوز اپڈیٹ) موصولہ خبروں کے مطابق این سی پی لیڈر جینت پاٹل نے بڑا بیان دیتے ہوئے مہاراشٹر کی سیاست میں ایک بار پھر ہلچل مچا دی ہے۔انہوں نے کہا کہ جب مہا وکاس اگھاڑی حکومت میں تھی تو بی جے پی لیڈر تاریخیں جاری کرتے تھے کہ مہا وکاس اگھاڑی کب گرے گی۔ ان کے مختلف دعوؤں کے بعد آخر کار مہاوکاس اگھاڑی حکومت صرف ڈھائی سال کے لیے اپنی مدت پوری کر سکی۔ اس کے بعد ریاست میں وزیر اعلیٰ ایکناتھ شندے اور نائب وزیر اعلیٰ دیویندر فڑنویس کی قیادت میں حکومت بنی۔ اس نئی حکومت کو بنے صرف ساڑھے تین ماہ ہوئے ہیں لیکن این سی پی لیڈر جینت پاٹل نے صحیح وقت بتا دیا ہے کہ یہ حکومت کب گرے گی۔؟ تفصیلات کے مطابق شرڈی میں این سی پی پارٹی کا ایک اجلاس کا انعقاد کیا گیا ہے۔  یہ پروگرام آج سے شروع ہوگا۔  جینت پاٹل نے دعویٰ کیا ہے کہ اس اجلاس کے بعد شندے فڑنویس کی قیادت والی حکومت گر جائے گی۔

 شرڈی میں 4-5 نومبر کو ہونے والے راشٹروادی کانگریس کے اجلاس کے بعد مہاراشٹر کی حکومت گر گئی۔  اسطرح کا اظہار بھی جینت پاٹل نے کیا۔خیال رہے کہ ایم پی سوجے وکھے پاٹل نے تین دن پہلے شرڈی میں این سی پی کے پروگرام پر تنقید کی تھی۔ اس وقت سوجے ویکھے نے چونکا دینے والا دعویٰ کیا تھا کہ این سی پی بی جے پی میں ضم ہوجائے گی۔ جینت پاٹل نے آج ان کی تنقید کا جواب دیا۔نیشنلسٹ کانگریس پارٹی ٹوٹے گی نہیں۔ این سی پی ریاست کی سب سے مضبوط پارٹی ہے۔ اس موقع پر جینت پاٹل نے وکھے پاٹل پر تنقید بھی کی ہے ۔